ପୁରୀ() ପୁରୀ ସହରରେ ଥିବା ସମସ୍ତ ୱର୍ଡର ବିକାଶ ପାଇଁ ଖର୍ଚ୍ଚ ହେଉଛି କୋଟି କୋଟି ଟଙ୍କା । କିନ୍ତୁ ଏହି ଅର୍ଥ କେଉଁ ଦିଗରେ ବିନିଯୋଗ ହେଉଛି ସେ ନେଇ ପ୍ରଶ୍ନ ଉଠିଛି ।ବର୍ଷ ପରେ ବର୍ଷ ବିତିଯାଇଥିଲେ ମଧ୍ୟ ଏଠାକାର ରାସ୍ତାର ନା ହେଉଛି ମରାମତି ନା ସୁଧୁରୁଛି ଡ୍ରେନେଜର ବ୍ୟବସ୍ଥା। ଯାହାଫଳରେ ସ୍ଥାନୀୟ ବାସିନ୍ଦା ଠାରୁ ଆରମ୍ଭ କରି ପର୍ଯ୍ୟଟକ ମାନେ ସମସ୍ତେ କଲବଲ ହେଉଛନ୍ତି ।
ବାରମ୍ବାର ପ୍ରଶାସନ ପାଖରେ ଅଭିଯୋଗ ହେଉଥିଲେ ମଧ୍ୟ ଏଥିପ୍ରତି କେହି କର୍ଣ୍ଣପାତ କରୁନଥିବା ଅଭିଯୋଗ ହୋଇଛି। କେଉଁଠି ରାସ୍ତା ଉପରୁ କଂକ୍ରିଟ ଉଠି ବଡ ବଡ ଖାଲ ସୃଷ୍ଟି ହୋଇଥିବା ବେଳେ ଧୂଳି ଉଡୁଛି ତ ଆଉ କେଉଁଠି ଥିବା ରାସ୍ତାରେ ଯାତାୟତରେ ନାହିଁ ନଥିବା ଅସୁବିଧା ଭୋଗୁଛନ୍ତି ସ୍ଥାନୀୟ ବାସିନ୍ଦା ।
କେବଳ ସେତିକି ନୁହେଁ ଏଠାରେ ପ୍ରସିଦ୍ଧ ସିଦ୍ଧମହାବୀର ମନ୍ଦିର ଥିବାରୁ ଦର୍ଶନ ପାଇଁ ପ୍ରତିଦିନ ହଜାର ହଜାର ଭକ୍ତ ଓ ପର୍ଯ୍ୟଟକ ଏହି ରାସ୍ତା ଦେଇ ଯାଆସ କରିଥାନ୍ତି। କିନ୍ତୁ ବିପର୍ଯ୍ୟସ୍ତ ରାସ୍ତା ଯୋଗୁ ଅନେକ ସମୟରେ ଏଠାରେ ଦୁର୍ଘଟଣା ଘଟୁଥିବା ଅଭିଯୋଗ ହୋଇଛି । ଡ୍ରେନ ଭିତରେ କୁଢ କୁଢ ଅଳିଆ ଆବର୍ଜନା ଜମା ହୋଇଥିବା ବେଳେ ଏହାକୁ ନିୟମିତ ସଫା କରାଯାଉନାହିଁ।
ଯାହାଫଳରେ ମଶା ମାଛିଙ୍କ ପ୍ରାଦୃଭାବ ବଢିବା ସାଙ୍ଗକୁ ଦୁର୍ଗନ୍ଧମୟ ପରିବେଶ ସୃଷ୍ଟି ହେଉଛି । ସମସ୍ୟା ନେଇ ପ୍ରଶାସନ ପାଖରେ ବାରମ୍ବାର ଅଭିଯୋଗ କରିଥିଲେ ମଧ୍ୟ ଏହାର ସମାଧାନ ପ୍ରତି ପ୍ରଶାସନର ଆନ୍ତରିକତା ନଥିବା ଅଭିଯୋଗ କରିଛନ୍ତି ଅଞ୍ଚଳ ବାସୀ ।
