ନୂଆଦିଲ୍ଲୀ: ହରିୟାଣାର କଂଗ୍ରେସ ନେତ୍ରୀ ହିମାନୀ ନରୱାଲ ହତ୍ୟା ମାମଲାରେ ପୋଲିସକୁ ବଡ ସଫଳତା ମିଳିଛି । ଏହି ମାମଲାରେ ପୋଲିସ ଜଣେ ଅଭିଯୁକ୍ତକୁ ଗିରଫ କରିଛି। ତେବେ ଅଭିଯୁକ୍ତ ସଚିନ ବର୍ତ୍ତମାନ ଚାଞ୍ଚଲ୍ୟ କର ବୟାନ ଦେଇଛି। ସେ କହିଛି ହିମାନୀ ତାକୁ ବହୁ ହଇରାଣ କରୁଥିଲେ, ଅନ୍ତରଙ୍ଗ ମୁହୁର୍ତ୍ତର କିଛି ଭିଡିଓକୁ ନେଇ ସେ ତାଙ୍କୁ ବ୍ଲାକମେଲ କରୁଥିଲେ । ଦୀର୍ଘ ଦିନ ହେବ ଅତିଷ୍ଠ ହେବା ପରେ ସେ ହତ୍ୟା କରିବାକୁ ଚରମ ନିଷ୍ପତି ନେଇଥିଲେ । ତେବେ ଏହି ବୟାନରେ କେତେ ସତ୍ୟତା ରହିଛି ନେଇ ଖୋଳତାଡ କରୁଛି ରୋହତମ ପୁଲିସ । ହିମାନୀ ନରୱାଲଙ୍କ ମୃତଦେହ ୧ ମାର୍ଚ୍ଚରେ ରୋହତକର ଏକ ହାଇୱେ ନିକଟରେ ଏକ ସୁଟକେସ୍ ଭିତରେ ମିଳିଥିଲା । ହରିୟାଣା ପୋଲିସ ରବିବାର ରାତିରେ ଏହି ହତ୍ୟା ମାମଲାରେ ଦୁଇ ଜଣଙ୍କୁ ଅଟକ ରଖିଥିଲା । ଉଭୟଙ୍କୁ ପଚରାଉଚରା ସମୟରେ ମିଳିଥିବା ସୂଚନା ଆଧାରରେ, ପୋଲିସ ଅଭିଯୁକ୍ତଙ୍କୁ ଗିରଫ କରିଥିଲା । ତେବେ ଏହି ମାମଲାରେ ଜଡିତ ଅନ୍ୟ ଅଭିଯୁକ୍ତମାନଙ୍କୁ ବର୍ତ୍ତମାନ ଖୋଜୁଛି ପୋଲିସ ।
