ଭୁବନ, ୦୯/୦୮/୨୦୨୨- ମଦୁଆଙ୍କ ଗାଡ଼ି ଧକ୍କାରେ ସୋମବାର ରାତିରେ ଜଣେ ବ୍ୟକ୍ତି ମୃତ୍ୟୁ ବରଣ କରିଛନ୍ତି । ମୃତକଙ୍କ ନାମ ବିଦ୍ୟାଧର ନାୟକ । ଏପରି ଘଟଣା ଦେଖିବାକୁ ମିଳିଛି ଭୁବନ ଥାନା ଅନ୍ତର୍ଗତ ପୁରୁଷୋତ୍ତମପୁର ଗାଁ ରାସ୍ତାରେ ଦେଖିବାକୁ ମିଳିଛି । ସୋମବାର ରାତି ୯ଟାରେ ବିଦ୍ୟାଧର ଶୌଚ ପାଇଁ ପୋଖରୀକୁ ଯିବା ସମୟରେ ଦୁଇଟି ବାଇକରେ ଆସୁଥିବା ମଦୁଆ ତାଙ୍କୁ ଧକ୍କା ଦେଇଥିଲେ । ଗାଁ ଛକରୁ ଗ୍ରାମବାସୀ ଘଟଣାସ୍ଥଳରେ ପହଞ୍ଚି ମଦୁଆଙ୍କୁ ଧରିବା ସହିତ ଗୁରୁତର ବିଦ୍ୟାଧରଙ୍କୁ ଭୁବନ ଡାକ୍ତରଖାନାରେ ଭର୍ତ୍ତି କରିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି।
ଖବର ପାଇ ଭୁବନ ଥାନା ପୋଲିସ ଦୁଇ ମଦୁଆଙ୍କୁ ଥାନାରେ ଅଟକ ରଖିଛି । ପୋଲିସ ଭୁବନ ଡାକ୍ତରଖାନାରେ ପହଞ୍ଚି ଶବକୁ ଜବତ କରି ଆଜି ସକାଳେ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି । କିନ୍ତୁ ପରିବାର ଓ ଗ୍ରାମବାସୀ କ୍ଷତିପୂରଣ ଦାବିରେ ଗାଁ ଛକ ରାସ୍ତାରେ ଶବ ରଖି ରାସ୍ତାରୋକ କରିଛନ୍ତି ।
