ବ୍ରହ୍ମପୁର, ୧୫/୦୮/୨୦୨୨- ସ୍ୱାଧୀନତାର ଅମୃତ ମହୋତ୍ସବ ପାଳନ ଅବସରରେ ଶନିବାର ବ୍ରହ୍ମପୁର ଫରେଷ୍ଟ ରେଞ୍ଜ ଅନ୍ତର୍ଗତ ସିହଳା ଗ୍ରାମସ୍ଥିତ ଯୁଧିଷ୍ଠିର ହାଇସ୍କୁଲର ୧୩୦ ଛାତ୍ରଛାତ୍ରୀଙ୍କୁ ବୃକ୍ଷ ଚାରା ବଣ୍ଟନ କରାଯାଇଛି । ଅଞ୍ଚଳର ବିଶିଷ୍ଟ ବୃକ୍ଷପ୍ରେମୀ ପବିତ୍ର କୁମାର ଚୌଧୁରୀଙ୍କ ସଂଯୋଜନାରେ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବ୍ରହ୍ମପୁର ରେଞ୍ଜର ରଜତ କୁମାର ମିଶ୍ର, ବିଶିଷ୍ଟ ଅତିଥି ଭାବେ ଫୋରେଷ୍ଟର ରୂପକ ପ୍ରଧାନ, ସମାଜସେବୀ ଡ଼ା. ଅଶୋକ ଦାସ ପ୍ରମୁଖ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ ଵୃକ୍ଷର ଉପକାରିତା ସମ୍ପର୍କରେ ଅବଗତ କରାଇବା ସହ ବୃକ୍ଷ ପ୍ରତି ଯତ୍ନ ନେବା ପାଇଁ ପରାମର୍ଶ ଦେଇଥିଲେ । ପ୍ରଧାନ ଶିକ୍ଷକ ପ୍ରିୟଦର୍ଶୀ ମହାନ୍ତିଙ୍କ ସମେତ ଅନ୍ୟ ଶିକ୍ଷକ ଶିକ୍ଷୟତ୍ରୀ ଓ କର୍ମଚାରୀ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ । ଏହି କାର୍ଯ୍ୟକ୍ରମରେ ଗ୍ରାମର ବହୁ ବୁଦ୍ଧିଜୀବି ସ୍ୱେଚ୍ଛାସେବୀ ଓ ଜନସାଧାରଣ ଉପସ୍ଥିତ ରହି ଵୃକ୍ଷପ୍ରେମୀ ପଵିତ୍ର ଚୌଧୁରୀଙ୍କ ଏଭଳି ଅଭିନଵ ପଦକ୍ଷେପକୁ ଉଚ୍ଚ ପ୍ରଶଂସା କରିଥିଲେ।
