ଭୁବନେଶ୍ୱର, ୧୨/୧୧/୨୦୨୨- ଯଦି ଆପଣ ଏକ ଶସ୍ତା ଇଲେକ୍ଟ୍ରିକ୍ କାର୍ ପାଇଁ ମଧ୍ୟ ଅପେକ୍ଷା କରୁଛନ୍ତି, ତେବେ ଆପଣଙ୍କର ଏହି ସ୍ୱପ୍ନ ଶୀଘ୍ର ପୂରଣ ହେବାକୁ ଯାଉଛି । ସବୁଠାରୁ ଶସ୍ତା ଇଲେକ୍ଟ୍ରିକ୍ କାର ଭାରତରେ ଲଞ୍ଚ ହେବାକୁ ଯାଉଛି। ମୁମ୍ବାଇ ସ୍ଥିତ ଇଲେକ୍ଟ୍ରିକ ଯାନ ନିର୍ମାତା ପିଏମଭି ଇଲେକ୍ଟ୍ରିକ୍ ଏହାର ପ୍ରଥମ ଇଲେକ୍ଟ୍ରିକ କାର ଭାରତକୁ ଆଣିବାକୁ ଯାଉଛି। ନଭେମ୍ବର ୧୬ ରେ କମ୍ପାନୀ EaS-E ନାମକ ଏକ ମାଇକ୍ରୋ ଇଲେକ୍ଟ୍ରିକ୍ କାର୍ ଉପସ୍ଥାପନ କରିବ। କମ୍ପାନୀ ମଧ୍ୟ ଏହି ଛୋଟ କାରର ପ୍ରି-ବୁକିଂ ଆରମ୍ଭ କରିଛି। ଗ୍ରାହକମାନେ ଅଫିସିଆଲ୍ ୱେବସାଇଟ୍ ମାଧ୍ୟମରେ ମାତ୍ର ୨,୦୦୦ ଟଙ୍କାରେ ଏହି ଗାଡି ବୁକ୍ କରିପାରିବେ।
ଏହା ଆକାରରେ ଏକ କମ୍ପାକ୍ଟ କାର ହେବ, ଯେଉଁଥିରେ ୪ ଟି କବାଟ ଦିଆଯାଇଛି । ତେବେ ଆଗରେ କେବଳ ଗୋଟିଏ ସିଟ୍ ଏବଂ ପଛରେ କେବଳ ଗୋଟିଏ ସିଟ୍ ରହିବ।ଏହା ରିମୋଟ୍ ପାର୍କିଂ, ରିମୋଟ୍ କି କନେକ୍ଟିଭିଟି, ଟଚ୍ ସ୍କ୍ରିନ୍, USB ଚାର୍ଜିଂ ପୋର୍ଟ ଏବଂ କ୍ରୁଜ୍ କଣ୍ଟ୍ରୋଲ୍ ଭଳି ଫିଚର୍ସ ରହିଛି।ଯାତ୍ରୀମାନଙ୍କ ସୁବିଧା ପାଇଁ ଗାଡିଟି ଷ୍ଟିଅରିଂ ମାଉଣ୍ଟେଡ୍ କଣ୍ଟ୍ରୋଲ୍, ଡିଜିଟାଲ୍ ଇନଷ୍ଟ୍ରୁମେଣ୍ଟ୍ କ୍ଲଷ୍ଟର, ରିମୋଟ୍ କୀଲେସ୍ ଏଣ୍ଟ୍ରି, ପାୱାର ୱିଣ୍ଡୋ ଏବଂ ପଛ ଦୃଶ୍ୟ କ୍ୟାମେରା ଭଳି ଫିଚର୍ସ ମଧ୍ୟ ପାଇପାରିବ ।
କମ୍ପାନୀ ଦାବି କରିଛି ଯେ ଏହି ଗାଡିଟି ୪ ଘଣ୍ଟାରୁ କମ୍ ସମୟ ମଧ୍ୟରେ ସମ୍ପୂର୍ଣ୍ଣ ଚାର୍ଜ ହୋଇପାରିବ।ଏହି କାରର ହ୍ୱିଲ୍ ବେସ୍ ୨,୦୮୭ ମିଲିମିଟର ଏବଂ ଗ୍ରାଉଣ୍ଡ କ୍ଲିୟରାନ୍ସ ୧୭୦ ମିଲିମିଟର ହେବ । ଏହି କାରକୁ ତିନୋଟି ପ୍ରକାରରେ ଆସିବ, ଯେଉଁଥିରେ ୧୨୦ କିଲୋମିଟର,୧୬୦ କିଲୋମିଟର ଏବଂ ୨୦୦ କିଲୋମିଟର ଦୂରତା ପ୍ରଦାନ କରାଯିବ । ଏହି କାରର ମୂଲ୍ୟ ୪ ଲକ୍ଷରୁ ୬ ଲକ୍ଷ ଟଙ୍କା ପର୍ଯ୍ୟନ୍ତ ହୋଇପାରେ।
