ଭୁବନେଶ୍ୱର, ୨୭/୧୧/୨୦୨୨- ଅଷ୍ଟ୍ରେଲୀୟ ବ୍ୟାଟ୍ସମ୍ୟାନ୍ ଫିଲ୍ଲୀପ ହ୍ୟୁଗ୍ସ ୨୭ ନଭେମ୍ବର ୨୦୧୪ ରେ ଏକ ମ୍ୟାଚ୍ ସମୟରେ ବଲ୍ ତାଙ୍କ ମୁଣ୍ଡରେ ବାଜିବା ଫଳରେ ତାଙ୍କର ମୃତ୍ୟୁ ହୋଇଥିଲା। ଏହି ମ୍ୟାଚ୍ ସିଡନୀରେ ଦକ୍ଷିଣ ଅଷ୍ଟ୍ରେଲିଆ ଏବଂ ନ୍ୟୁ ସାଉଥ ୱେଲ୍ସ ମଧ୍ୟରେ ଖେଳାଯାଇଥିଲା । କେବଳ ଫିଲ୍ଲୀପ ହ୍ୟୁଗ୍ସ ନୁହଁନ୍ତି, ଅନ୍ୟ ୫ ଜଣ ଖେଳାଳି ଅଛନ୍ତି ଯେଉଁମାନେ ଖେଳ ସମୟରେ ମୃତ୍ୟୁ ବରଣ କରିଛନ୍ତି ।
ଫିଲ୍ଲୀପ ହ୍ୟୁଗ୍ସଙ୍କୁ (Phillip Hughes) ବୋଲର ଶନ୍ ଆବଟ୍ଟ ଏକ ବାଉନ୍ସର୍ ମାରିଥିଲେ ଯାହା ହ୍ୟୁଗ୍ସଙ୍କ ମୁଣ୍ଡରେ ବାଜିଥିଲା, ଏହା ପରେ ହ୍ୟୁଜ୍ ତଳେ ପଡ଼ିଯାଇଥିଲେ। ଏହି ଦୁର୍ଘଟଣା ପରେ ହ୍ୟୁଜ୍ ୩ ଦିନ କୋମାରେ ରହି ୨୭ ନଭେମ୍ବରରେ ମୃତ୍ୟୁ ବରଣ କରିଥିଲେ। ସେତେବେଳେ ଫିଲ୍ଲୀପ ହ୍ୟୁଜଙ୍କୁ ମାତ୍ର ୨୬ ବର୍ଷ ବୟସ ହୋଇଥିଲା।
ମେ ୬, ୨୦୨୧ ରେ, ଇଂଲଣ୍ଡରେ ମଧ୍ୟ ଏକ ଦୁଃଖଦ ଘଟଣା ଘଟିଥିଲା, ନେଟ ଅଭ୍ୟାସ ସମୟରେ ୨୪ ବର୍ଷୀୟ କ୍ରିକେଟର ଜୋଶୁଆ ଡୋନି (Joshua Downie) ହଠାତ୍ ହୃଦଘାତରେ ମୃତ୍ୟୁ ବରଣ କରିଥିଲେ।
ଭାରତୀୟ କ୍ରିକେଟ୍ ଦଳର ଖେଳାଳି ରମଣ ଲାମ୍ବା (Raman Lamba) ଏକ ମ୍ୟାଚ୍ ସମୟରେ ଫିଲ୍ଡିଂ କରୁଥିଲେ, ଯେତେବେଳେ ବଲ୍ ତାଙ୍କ ମୁଣ୍ଡରେ ବାଜିଥିଲା ଏବଂ ଲାମ୍ବା ସେଠାରେ ହିଁ ଟଳି ପଡିଥିଲେ, ପରେ ତାଙ୍କୁ ଡାକ୍ତରଖାନା ନିଆ ଯାଇଥିଲା, କିନ୍ତୁ ଡାକ୍ତର ତାଙ୍କୁ ମୃତ ଘୋଷଣ କରିଥିଲେ। ମୃତ୍ୟୁ ସମୟରେ ତାଙ୍କର ବୟସ ୩୮ ବର୍ଷ ହୋଇଥିଲା।
ଖେଳ ପଡିଆରେ ହୃଦଘାତ ହେତୁ ୨୦୧୨ ମସିହାରେ ଇଂଲଣ୍ଡର ରିଚାର୍ଡ ବିମୋଣ୍ଟ (Richard Beaumont) ବିଶ୍ୱକୁ ବିଦାୟ ଦେଇଥିଲେ। ସେତେବେଳେ ତାଙ୍କର ବୟସ ମାତ୍ର ୩୩ ବର୍ଷ ଥିଲା ।
ପାକିସ୍ତାନୀ କ୍ରିକେଟର ଜୁଲଫିକର ଭଟ୍ଟୀ (Zulfiqar Bhatti) ମାତ୍ର ୨୨ ବର୍ଷ ବୟସରେ ଏକ ଦୁର୍ଘଟଣାର ଶିକାର ହୋଇଥିଲେ। ଏକ ଘରୋଇ ମ୍ୟାଚ୍ ସମୟରେ ସେ ବ୍ୟାଟିଂ କରୁଥିଲେ ଯେତେବେଳେ ତାଙ୍କ ଛାତିରେ ଏକ ବଲ୍ ବାଜିଥିଲା, ପରେ ତାଙ୍କୁ ଡାକ୍ତରଖାନା ନିଆଯାଇଥିଲା, କିନ୍ତୁ ସେଠାରେ ପହଞ୍ଚିବା ମାତ୍ରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଫେବୃଆରୀ ୧୭, ୨୦୨୧ ରେ ପୁଣେରେ ଏକ ମ୍ୟାଚ୍ ଖେଳୁଥିବା ବେଳେ ହଠାତ୍ ହୃଦଘାତରେ ଖେଳାଳି ବାବୁ ନାଲାୱାଡେଙ୍କର (Babu Nalawade) ମୃତ୍ୟୁ ହୋଇଥିଲା। ତାଙ୍କର ବୟସ ୪୭ ବର୍ଷ ଥିଲା ।
