ଭୁବନେଶ୍ୱର: ଇଲେକ୍ଟ୍ରିକ୍ ଦୁଇ ଚକିଆ ସେଗମେଣ୍ଟର ଏକ ଷ୍ଟାର୍ଟଅପ୍ କମ୍ପାନୀ ହୋପ୍ ଇଲେକ୍ଟ୍ରିକ୍ ଏହାର ଇଲେକ୍ଟ୍ରିକ୍ ବାଇକ୍ କିଛି ମାସ ପୂର୍ବରୁ ଲଞ୍ଚ କରିଥିଲା। Oxo ଏବଂ Oxo X ପରି ଏହି ବାଇକ୍ ର ଦୁଇଟି ପ୍ରକାର ଅଛି । ବର୍ତ୍ତମାନ କମ୍ପାନୀ ଏହି ବାଇକ୍ ବିତରଣ ଆରମ୍ଭ କରିଛି। ପ୍ରଥମ ପର୍ଯ୍ୟାୟରେ ଜୟପୁରରେ ୨୫ ହଜାର ୟୁନିଟ୍ ବିତରଣ କରିଛି । ୧୦ ହଜାର ରୁ ଅଧିକ ଲୋକ ଏହି ବାଇକ୍ ବୁକ୍ କରିଛନ୍ତି। ବୁକିଂ ପାଇଁ ଗ୍ରାହକଙ୍କୁ କେବଳ ୯୯୯ ଟଙ୍କା ଟୋକେନ୍ ରାଶି ଦେବାକୁ ପଡିବ। କମ୍ପାନୀ ଖୁବ ଶୀଘ୍ର ଗୁଜୁରାଟ, ତାମିଲନାଡୁ, ଉତ୍ତରପ୍ରଦେଶ, ତେଲେଙ୍ଗାନା ଏବଂ ପଶ୍ଚିମବଙ୍ଗରେ ମଧ୍ୟ ଏହି ବାଇକ୍ ବିତରଣ ଆରମ୍ଭ କରିବ। ମାତ୍ର ୧୦୦ ଟଙ୍କାରେ ଏହି ବାଇକ୍ କୁ ୪୦୦ କିଲୋମିଟର ପର୍ଯ୍ୟନ୍ତ ଚଳାଯାଇପାରିବ ବୋଲି କମ୍ପାନୀ ଦାବି କରିଛି।
ଭାରିଆଣ୍ଟ ଅନୁଯାୟୀ ଏହି ଇଲେକ୍ଟ୍ରିକ୍ ବାଇକ୍ ରେ ବିଭିନ୍ନ ରେଞ୍ଜ ରହିଛି । ଏହି ବାଇକ୍ ରେ ୩.୭୫ kWh ଲିଥିୟମ୍-ଆୟନ ବ୍ୟାଟେରୀ ବ୍ୟବହାର କରାଯାଇଛି । ଏହାର Oxo X ଫୁଲ ଚାର୍ଜରେ ୧୫୦ କିଲୋମିଟର ପରିସର ଦେଇଥାଏ । ଏହାର ସର୍ବାଧିକ ବେଗ ଘଣ୍ଟା ପ୍ରତି ୯୫ କିଲୋମିଟର ଅଟେ । ଏହାର ଇଲେକ୍ଟ୍ରିକ୍ ମୋଟର ୨୦୦Nm ର ଟର୍କ ସୃଷ୍ଟି କରେ । ୪ ଘଣ୍ଟାରେ ଏହା ୦ ରୁ ୮୦% ଚାର୍ଜ ହୋଇପାରିବ। ଏହି ବାଇକ୍ ର ଶୋ’ରୁମ୍ ମୂଲ୍ୟ ୧.୨୫ ଲକ୍ଷରୁ ୧.୪୦ ଲକ୍ଷ ଟଙ୍କା ରହିଛି।
