ଅଫିସରେ କର୍ମଚାରୀଙ୍କ ପିଠି ଥାପୁଡ଼େଇଦେଲେ ବସ୍, ଶେଷରେ ଦେବାକୁ ପଡିଲା ଏକ କୋଟିର କ୍ଷତିପୂରଣ !
ଭୁବନେଶ୍ୱର: ଅନେକ ଥର ବେସରକାରୀ ଏବଂ ସରକାରୀ କାର୍ଯ୍ୟାଳୟରୁ ଏଭଳି ଅନେକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଥାଏ ଯାହାକୁ ହୁଏତ ଆପଣମାନେ ସାମ୍ନା କରିଥିବେ।ବେଳେବେଳେ କର୍ମଚାରୀଙ୍କ ମଧ୍ୟରେ ଝଗଡା ହୋଇଥାଏ ତ ବେଳେବେଳେ ବସ୍ କିମ୍ବା ମ୍ୟାନେଜରଙ୍କ ତୁତୁମେମେ । ହେଲେ ଏବେ ଏପରି ଏକ ମାମଲା ସାମ୍ନାକୁ ଆସିଛି ଯେତେବେଳେ ଜଣେ ମହିଳା କର୍ମଚାରୀ ତାଙ୍କ ମାଲିକଙ୍କ ବିରୋଧରେ ଅଭିଯୋଗ କରିଥିଲେ, ଏହାର ପ୍ରତିବଦଳରେ ମାଲିକଙ୍କୁ ଶେଷରେ ମୋଟା ଅଙ୍କର ଜୋରିମାନା ଦେବାକୁ ପଡିଛି ।
ବାସ୍ତବରେ, ଏହି ଘଟଣା ଆୟର୍ଲାଣ୍ଡର। ମିଡିଆ ରିପୋର୍ଟ ଅନୁଯାୟୀ, ଏହା ଏକ ଘରୋଇ କମ୍ପାନୀର ମାଲିକ ଜଣେ ମହିଳା କର୍ମଚାରୀଙ୍କୁ ପିଠି ଥାପୁଡ଼େଇ ଦେଇଥିଲେ। ଏହା ପରେ ମହିଳା କର୍ମଚାରୀ ଜଣକ ମାଲିକଙ୍କ ଉପରେ ରାଗିଯାଇଥିଲେ। ପରେ ମହିଳା ଜଣକ ନିଜ ସହକର୍ମୀଙ୍କୁ ଏ ବିଷୟରେ କହିଥିଲେ, ଯାହାକୁ ନେଇ ସେଠାରେ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା ।
କର୍ମଚାରୀଙ୍କ ଉତ୍ତେଜନା ଦେଖିବା ପରେ, ବସ୍ ସ୍ପଷ୍ଟ କରି କହିଥିଲେ ଯେ ସେ କେବଳ ଥଟ୍ଟାରେ ଏବଂ ତାଙ୍କୁ ପ୍ରଶଂସା କରିବା ଉଦ୍ଦେଶ୍ୟରେ ଏହା କରିଥିଲେ, କିନ୍ତୁ ଏହା ପରେ ମହିଳା ଜଣକ ପରିଚାଳନାକୁ ଏକ ମେଲ୍ ପଠାଇଲେ ଏବଂ ତା’ପରେ ଯାହା ଘଟିଲା ଯାହା ମାଲିକ ଅନୁମାନ କରି ନଥିବେ। ଏହା ପରେ ମାଲିକଙ୍କ ଶୁଣାଣି ହୋଇଥିଲା। କମ୍ପାନୀର କମିଟି ଏହାକୁ ଲଜ୍ଜାଜନକ ଏବଂ ନିର୍ଯ୍ୟାତନା ସହ ଯୋଡିଥିଲା।
କେତେକ ରିପୋର୍ଟରେ କୁହାଯାଇଥିଲା ଯେ ଶେଷରେ ମହିଳା କର୍ମଚାରୀଙ୍କୁ ପ୍ରାୟ ଏକ କୋଟି ଟଙ୍କା ଦିଆଯାଇଥିଲା। ଯଦିଓ ଏହା କୁହାଯାଇ ନାହିଁ ଯେ ଏହି ଟଙ୍କା ବସ୍ କିମ୍ବା କମ୍ପାନୀ ଦେଇଛି, କିନ୍ତୁ ମହିଳାଙ୍କୁ ନିଶ୍ଚିତ ଭାବେ କ୍ଷତିପୂରଣ ଦିଆଯାଇଛି।
