ଭୁବନେଶ୍ୱର: ମାନବିକତାର ପରିଚୟ ଦେଲେ ଯବାନ । ଗର୍ଭ ଯନ୍ତ୍ରଣାରେ ଛଟପଟ ହେଉଥିବା ମହିଳାଙ୍କୁ ଖଟିଆରେ ପକାଇ ଆମ୍ବୁଲାନ୍ସ ପର୍ଯ୍ୟନ୍ତ ବୋହିନେଇଥିଲେ । ଏଭଳି ଏକ ଘଟଣା ଦେଖିବାକୁ ମିଳିଛି ଓଡିଶା ସୀମାନ୍ତ ଛତିଶଗଡ଼ ସୁକମା ଜିଲ୍ଲାରେ। ନକ୍ସଲ ପ୍ରଭାବିତ ପୋଟକପଲ୍ଲୀ ଗାଁରେ ମାନବିକତାର ଏକ ଅଦ୍ୱିତୀୟ ଉଦାହରଣ ଦେଖିବାକୁ ମିଳିଛି। ପୋଟକପଲ୍ଲୀ ଗ୍ରାମରେ ଅବସ୍ଥିତ ସୁରକ୍ଷା ବଳ ଶିବିରରେ ନିୟୋଜିତ CoBRA ୨୦୮ CoBRA CRPF ୨୧୨ ବାଟାଲିୟନ ଏବଂ STF ଦ୍ୱାରା ଏକ ପ୍ରେରଣାଦାୟକ ମାନବିକ କାର୍ଯ୍ୟ କରାଯାଇଛି।
ପୋଟକପଲ୍ଲୀ ଗାଁର ଗ୍ରାମବାସୀ ସୁରକ୍ଷା ବାହିନୀ କ୍ୟାମ୍ପରେ ସୂଚନା ଦେଇଥିଲେ ଯେ ଗାଁର ଜଣେ ଗର୍ଭବତୀ ମହିଳା ଭୀମରାମ ଭେଟ୍ଟି ଯନ୍ତ୍ରଣାରେ ଛଟପଟ ହେଉଛନ୍ତି । ତାଙ୍କୁ ତୁରନ୍ତ ଚିକିତ୍ସା ସହାୟତା ପ୍ରଦାନ କରିବା ନେଇ ଯବାନଙ୍କୁ ଗ୍ରାମବାସୀମାନେ ଅନୁରୋଧ କରିଥିଲେ ।
ଶିବିରରେ ଉପସ୍ଥିତ ଥିବା କମାଣ୍ଡାଣ୍ଟ ୨୦୮ କୋବ୍ରାଙ୍କ ନିର୍ଦ୍ଦେଶରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ମେଡିକାଲ ଅଫିସର ଏବଂ ଶିବିରରେ ଉପସ୍ଥିତ ୨୦୮ କୋବ୍ରାର ଡେପୁଟି କମାଣ୍ଡାଣ୍ଟ ରାଜେନ୍ଦ୍ର ସିଂ ଘଟଣାସ୍ଥଳରେ ପହଞ୍ଚି ସଙ୍ଗେ ସଙ୍ଗେ ଆବଶ୍ୟକ ଚିକିତ୍ସା ସହାୟତା ଯୋଗାଇ ଦିଆଯାଇଥିଲା। ମେଡିକାଲ ଅଫିସର ମହିଳାଙ୍କ ଘରେ ପହଞ୍ଚି ତୁରନ୍ତ ଔଷଧ ମାଧ୍ୟମରେ ସ୍ଥିରତା ଦେବା ପରେ ମହିଳାଙ୍କୁ ନିକଟସ୍ଥ ଡାକ୍ତରଖାନାକୁ ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ । ସୁରକ୍ଷା ସ୍କ୍ବାଡର ତତ୍ତ୍ୱାବଧାନରେ ମହିଳାଙ୍କୁ ଖଟିଆରେ ଜଙ୍ଗଲ ରାସ୍ତାଦେଇ ଆମ୍ବୁଲାନ୍ସ ନିକଟକୁ ଆଣିଥିଲେ । ପରେ ଏକ ଗାଡିରେ ପୀଡ଼ିତ ମହିଳାଙ୍କୁ ୨୦୮ କୋବ୍ରା ରାସ୍ତାରେ ତୁରନ୍ତ ହସ୍ପିଟାଲକୁ ନିଆଯାଇଥିଲା ।
ଡାକ୍ତରଖାନାରେ ପହଞ୍ଚିବା ପରେ ଭେଟ୍ଟି ମାୟା ଏକ ସୁସ୍ଥ ଶିଶୁ କନ୍ୟାକୁ ଜନ୍ମ ଦେଇଥିଲେ। ସହାୟତା ପାଇଁ ଭେଟ୍ଟି ମାୟାଙ୍କ ପରିବାର ଏବଂ ପୋଟକପଲ୍ଲୀ ଗ୍ରାମବାସୀ ଯବାନଙ୍କୁ ପ୍ରଶଂସା କରିଥିଲେ ।
