ଭୁବନେଶ୍ୱର: ୟୁପିରେ ଶୀତର ପ୍ରକୋପ ଜାରି ରହିଛି। ଆଗାମୀ ଦିନରେ ଥଣ୍ଡା ବଢିବାର ମଧ୍ୟ ସମ୍ଭାବନା ରହିଛି। ବଢୁଥିବା ଶୀତ ଏବଂ ଥଣ୍ଡାକୁ ଦୃଷ୍ଟିରେ ରଖି ୟୁପିର ୬୦ ଟି ଜିଲ୍ଲାରେ ଭାରତୀୟ ପାଣିପାଗ ବିଭାଗ (ଆଇଏମଡି) ରେଡ ଆଲର୍ଟ ଜାରି କରିଛି। ଏହି ଜିଲ୍ଲାଗୁଡ଼ିକରେ ବିଭାଗ ଶୀତଦିନିଆ ଚେତାବନୀ ଦେଇଛି। ଏହା ପରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ରାଜ୍ୟର ସମସ୍ତ ବିଦ୍ୟାଳୟ ଜାନୁଆରୀ ୧୪ ପର୍ଯ୍ୟନ୍ତ ବନ୍ଦ ରଖିବାକୁ ରାଜ୍ୟ ସରକାରଙ୍କ ଶିକ୍ଷା ବିଭାଗ ନିର୍ଦ୍ଦେଶ ଦେଇଛି।
ବିଭାଗ ଦ୍ୱାରା ଜାରି ବିଜ୍ଞପ୍ତିରେ ଏହା ଲେଖାଯାଇଛି ଯେ ଜାନୁଆରୀ ୧୪ ପର୍ଯ୍ୟନ୍ତ ପ୍ରାଥମିକ ଏବଂ ଜୁନିଅର ହାଇସ୍କୁଲ ସହ ଜଡିତ ମଧ୍ୟବର୍ତ୍ତୀ କଲେଜ ଏବଂ ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ କ୍ଲାସ୍ ମଧ୍ୟ କରାଯିବ ନାହିଁ।
