କଟକ, ୧୯/୦୧/୨୦୨୩ – ମହିଳା କ୍ରିକେଟର ରାଜଶ୍ରୀ ସ୍ୱାଇଁଙ୍କ ପୋଷ୍ଟମର୍ଟମ ରିପୋର୍ଟ ଗୁରୁଡିଝାଟିଆ ପୋଲିସକୁ ହସ୍ତାନ୍ତର କରାଯାଇଛି । ଶ୍ଵାସରୁଦ୍ଧରୁ ମୃତ୍ୟୁ ହୋଇଥିବା ବ୍ୟବଚ୍ଛେଦ ରିପୋର୍ଟରେ ଉଲ୍ଲେଖ ରହିଛି । ମୃତ୍ୟୁର କାରଣ ଜାଣିବାକୁ ଭିସେରା ରିପୋର୍ଟକୁ ଅପେକ୍ଷା ରହିଛି । ମୃତ୍ୟୁ ପରେ ମୁଣ୍ଡରେ କ୍ଷତ ଚିହ୍ନ ରହିଛି ।
ତାଙ୍କ ଗାଡ଼ି ଡ଼ିକିରୁ ପେଟ୍ରୋଲ ପକାଇଥିବା ବିଲ୍ ସହ ATM କାର୍ଡ ଜବତ ହୋଇଛି । ମୃତ୍ୟୁ ପୂର୍ବରୁ ରାଜଶ୍ରୀ କପୁରସିଂହ ପେଟ୍ରୋଲ ପମ୍ପରେ ଶେଷଥର ପାଇଁ ପେଟ୍ରୋଲ ପକାଇଥିଲେ । ପେଟ୍ରୋଲ ପକାଇବାର CCTV ଦୃଶ୍ୟ ପୋଲିସ ଯାଞ୍ଚ କରୁଛି । ପେଟ୍ରୋଲ ପମ୍ପ ଠାରୁ ମାତ୍ର ୧ କିଲୋମିଟର ଦୂରରେ ଜଙ୍ଗଲରୁ ତାଙ୍କ ସ୍କୁଟି, ହେଲମେଟ୍ ଓ ମୃତଦେହ ମିଳିଥିଲା । ପୁଡୁଚେରୀ ଦିନିକିଆ ପାଇଁ ଚୂଡାନ୍ତ ଦଳରେ ତାଙ୍କ ନାଁ ନ ରହିବାକୁ ନେଇ ଦୁଶ୍ଚିନ୍ତାରେ ଥିଲେ ।
ଜାନୁଆରୀ ୧୧ ତାରିଖରେ ଘରକୁ ଯିବାକୁ କହି ହୋଟେଲରୁ ବାହାରିଥିଲେ, ହେଲେ ଘରେ ପହଞ୍ଚି ନ ଥିଲେ । ଏନେଇ କଟକ ମଙ୍ଗଳାବାଗ ଥାନାରେ ତାଙ୍କ କୋଚ୍ ଏତଲା ଦେଇଥିଲେ । ଜାନୁଆରୀ ୧୩ ତାରିଖରେ ରାଜଶ୍ରୀଙ୍କ ଝୁଲନ୍ତା ମୃତଦେହ ଆଠଗଡ ସୁବାସିଂ ଜଙ୍ଗଲରୁ ମିଳିଥିଲା ।
