ଭୁବନେଶ୍ୱର: ଆଗାମୀ ଦିନରେ ଅନେକ ଶସ୍ତା ଇଲେକ୍ଟ୍ରିକ୍ ସ୍କୁଟର ବଜାରକୁ ଆସୁଛି, ସେଥିମଧ୍ୟରେ ରହିଛି ବଜାଜ, ଟିଭିଏସ୍ ଏବଂ ଆଥରର ସ୍କୁଟର । ଏହି ଇଲେକ୍ଟ୍ରିକ ସ୍କୁଟର ଗୁଡିକର ମୂଲ୍ୟ ପ୍ରାୟ ୭୦ ହାଜର ରୁ ୮୦ ହଜାର ମଧ୍ୟରେ ଆସିପାରେ ବୋଲି ଅନୁମାନ କରାଯାଉଛି ।
ବଜାଜ ଇଲେକ୍ଟ୍ରିକ୍ ସ୍କୁଟର
ରିପୋର୍ଟ ଅନୁଯାୟୀ, ବଜାଜ ଅଟୋ ପାଞ୍ଚଟି ସ୍କୁଟର ଲଞ୍ଚ କରିବାକୁ ଯୋଜନା କରିଛି ଯାହା ୨୦୨୪-୨୫ ସୁଦ୍ଧା ଇଲେକ୍ଟ୍ରିକ ଦୁଇ ଚକିଆ ବଜାରର ପ୍ରାୟ ୧୫% ଅଂଶ ହାସଲ କରିପାରିବ। ବଜାଜ ର ପ୍ରଥମ ଶସ୍ତା ଇଲେକ୍ଟ୍ରିକ୍ ସ୍କୁଟର (କୋଡେନାମ H107) ଆସନ୍ତା ଆର୍ଥିକ ବର୍ଷରେ ପ୍ରବେଶ କରିପାରେ। ପ୍ରାରମ୍ଭରେ, କମ୍ପାନୀ ମାସକୁ ୨ ହଜାର ୟୁନିଟ୍ ଉତ୍ପାଦନ କରିବ, ଯାହା ଧୀରେ ଧୀରେ ବୃଦ୍ଧି ପାଇବ।
ଟିଭିଏସ୍ ଇଲେକ୍ଟ୍ରିକ୍ ସ୍କୁଟର
ଟିଭିଏସ୍ ମୋଟର କମ୍ପାନୀ iQube ର ଏକ ସୁଲଭ ସଂସ୍କରଣ ଆଣିବ। ଏହି ଇଲେକ୍ଟ୍ରିକ୍ ସ୍କୁଟରର ଉତ୍ପାଦନ ୨୦୨୪ ର ପ୍ରଥମ ମାସରେ ଆରମ୍ଭ ହେବ ବୋଲି ଆଶା କରାଯାଉଛି । ମଡେଲର ମାସିକ ଉତ୍ପାଦନ ହାର ୨୫,୦୦୦ ୟୁନିଟ୍ ହୋଇପାରେ ।
ଆଥର ଇଲେକ୍ଟ୍ରିକ୍ ସ୍କୁଟର
ଆଥରର ସୁଲଭ ଇଲେକ୍ଟ୍ରିକ୍ ସ୍କୁଟର (କୋଡେନାମ 450U) ୨୦୨୪ ରେ ଲଞ୍ଚ ହୋଇପାରେ। ଦୁଇ ଚକିଆ ନିର୍ମାତା ପ୍ରତି ମାସରେ ୩୦ ହଜାର ରୁ ୩୩ ହଜାର ୟୁନିଟ୍ ଉତ୍ପାଦନ କରିବାକୁ ଲକ୍ଷ୍ୟ ରଖିଛି।
