ଭୁବନେଶ୍ୱର: ଆପଣ କେବେ ଭାବିଛନ୍ତି କି ଆପଣଙ୍କ ଶରୀରରୁ ବାହାରୁଥିବା ବର୍ଜ୍ୟବସ୍ତୁ ଯଥା ମୂତ୍ର ମଧ୍ୟ କିଛି ଉପଯୋଗୀ ହୋଇପାରେ ବୋଲି ? ବର୍ତ୍ତମାନ ପରିସ୍ରା ଏବଂ ମଳରୁ ବିଦ୍ୟୁତ୍ ଉତ୍ପନ ଆରମ୍ଭ ହୋଇଛି । ଏହି ବିଦ୍ୟୁତ୍ ବିଷୟରେ କୁହାଯାଇଛି ଯେ ଏହା ମୋବାଇଲ୍ କିମ୍ବା ଲାପଟପ୍ ଚାର୍ଜିଂ ପାଇଁ ଯଥେଷ୍ଟ ହେବ ।
ବ୍ରିଟେନରେ ଆପଣଙ୍କ ଶରୀରର ବର୍ଜ୍ୟବସ୍ତୁ ଅର୍ଥାତ୍ ପରିସ୍ରାକୁ ବିଦ୍ୟୁତରେ ପରିଣତ କରିବା ପାଇଁ ଅନେକ କାର୍ଯ୍ୟ ଚାଲିଛି । ବ୍ରିଟେନର ବୈଜ୍ଞାନିକ ଦଳ ଏହି କାର୍ଯ୍ୟକୁ ସମ୍ଭବ କରିବା ପାଇଁ ନିରନ୍ତର ପରୀକ୍ଷଣ କରୁଛନ୍ତି।
ଗଣମାଧ୍ୟମର ରିପୋର୍ଟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ବୈଜ୍ଞାନିକମାନେ ପରିସ୍ରା ମାଧ୍ୟମରେ ଏତେ ବିଦ୍ୟୁତ୍ ଉତ୍ପାଦନ କରିଛନ୍ତି ଯେ ଏକ ଛୋଟ ମୋବାଇଲ୍ ଚାର୍ଜ ହୋଇପାରିବ। ବାସ୍ତବରେ, ବିଦ୍ୟୁତ୍ ଉତ୍ପାଦନ ପ୍ରକ୍ରିୟା ସମାପ୍ତ କରିବାକୁ ‘ମାଇକ୍ରୋବାୟଲ୍ ଇନ୍ଧନ ସେଲ୍’ ବ୍ୟବହୃତ ହୁଏ । ଏହା ଏକ ଶକ୍ତି ରୂପାନ୍ତରକାରୀ। ଏଥିପାଇଁ କେତେକ ଜୀବାଣୁ ମଧ୍ୟ ମୂତ୍ରରେ ମିଶାଯାଏ । ବ୍ରିଷ୍ଟଲ୍ ରୋବୋଟିକ୍ସ ଲାବୋରେଟୋରୀର ବୈଜ୍ଞାନିକମାନେ ମଧ୍ୟ କହିଛନ୍ତି ଯେ ପରିସ୍ରାରୁ ନିର୍ମିତ ବିଦ୍ୟୁତ୍ ବିନା ମୂଲ୍ୟରେ ହେବ। ଯଦି ଏହି ଟେକ୍ନୋଲୋଜି ସଫଳ ହୁଏ, ତେବେ ଏହାକୁ ବାଥରୁମରେ ମଧ୍ୟ ବ୍ୟବହାର କରାଯାଇପାରିବ। ଏହା ସହଜରେ ବଲ୍ବ, ରେଜର୍ ଏବଂ ସ୍ମାର୍ଟଫୋନ ଚାର୍ଜ କରିବାକୁ ପର୍ଯ୍ୟାପ୍ତ ବିଦ୍ୟୁତ୍ ଉତ୍ପାଦନ କରିପାରିବ।
