ଭୁବନେଶ୍ୱର: ଆଜିକାଲି ଲୋକମାନେ ସୋସିଆଲ ମିଡିଆରେ ନିଜର ଦୁଃସାହସିକ ଭିଡିଓ ପୋଷ୍ଟ କରିବାକୁ ବହୁତ ପସନ୍ଦ କରନ୍ତି । ଇନଷ୍ଟାଗ୍ରାମ ଏବଂ ୟୁଟ୍ୟୁବରେ ଆପଣ ଏହିପରି ଅନେକ ଭିଡିଓ ଦେଖିପାରିବେ, ଯେଉଁଥିରେ ଲୋକମାନେ ଅତି କଷ୍ଟଦାୟକ ଷ୍ଟଣ୍ଟଗୁଡିକ ଅତି ସହଜରେ ଦେଖାନ୍ତି। ଲୋକମାନେ ଏହାକୁ ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ଜଣେ ମହିଳା ମଧ୍ୟ ସମାନ କାର୍ଯ୍ୟ କରିବାକୁ ଚେଷ୍ଟା କରିଥିଲେ, କିନ୍ତୁ ତାଙ୍କ ସହ ଏକ ବଡ ଦୁର୍ଘଟଣା ଘଟିଗଲା ଆଉ ସେ ମୃତ୍ୟୁ ମୁହଁରୁ ଅଳ୍ପକେ ଫେରିଆସିଲେ।
ଏରିନ୍ ଲାଙ୍ଗୱର୍ଥୀ ନାମକ ଜଣେ ମହିଳା ଚଳଚ୍ଚିତ୍ରର ଷ୍ଟଣ୍ଟ ପରି ନଦୀକୁ ଡେଇଁପଡିଥିଲେ, କିନ୍ତୁ ପରବର୍ତ୍ତୀ ମୁହୂର୍ତ୍ତରେ ତାଙ୍କ ସହିତ କ’ଣ ଘଟିବ ସେ ସମ୍ପୂର୍ଣ୍ଣ ରୂପେ ଅଜଣାଥିଲେ ।
ଭିଡିଓରେ ଏହା ଦେଖିବାକୁ ମିଳେ ଯେ ଏରିନ୍ ଲାଙ୍ଗୱର୍ଥୀ ଏକ ନଦୀ ଉପରେ ଏକ ବ୍ରିଜ ଉପରେ ଠିଆ ହୋଇଛନ୍ତି। ସେ ସେଠାରୁ ଏକ ସାହାଯ୍ୟରେ ତଳକୁ ଡିଅଁନ୍ତି । ସେ ନଦୀର ନିକଟର ହେବା ମାତ୍ରେ ଏକ ଭୟଙ୍କର ଦୁର୍ଘଟଣା ଘଟେ ଏବଂ ଏରିନ୍ ର ଦଉଡି ଅଧାରୁ ଛିଣ୍ଡିଯାଏ । ଏରିନ୍ ସିଧା ଯାଇ ଜାମ୍ବେଜୀ ନଦୀରେ ପଡ଼ନ୍ତି। ଯାହାକି କ୍ୟାମେରାରେ ରେକର୍ଡ ହୋଇଛି ଏବଂ ସେଠାରେ ଉପସ୍ଥିତ ଲୋକମାନେ ଏହି ଘଟଣା ଦେଖି ଆଶ୍ଚର୍ଯ୍ୟ ହୋଇଯାଇଛନ୍ତି । ଏହି ଘଟଣା ୨୦୧୨ ର ବୋଲି କୁହାଯାଉଛି।
ଭିଡିଓ ଦେଖି ଲାଗୁଛି ଯେ ଏରିନ୍ ବଞ୍ଚି ନଥିବେ କାରଣ ନଦୀରେ କୁମ୍ଭୀରମାନେ ବାସ କରନ୍ତି। ଏହା ଇଶ୍ବରଙ୍କ ଏକ ଚମତ୍କାର ଥିଲା ଯେ ଏରିନ୍ ଏହି ଦୁର୍ଘଟଣାରୁ ବଞ୍ଚିଥିଲେ ଏବଂ ସେ ଦେଇଥିବା ଏକ ସାକ୍ଷାତକାରରେ କହିଥିଲେ ଯେ ଦୁର୍ଘଟଣାର ଗୋଟିଏ ଦିନ ପୂର୍ବରୁ ସେ ତାଙ୍କ ମୃତ୍ୟୁ ବିଷୟରେ ଥଟ୍ଟା କରୁଥିଲେ। ସେଦିନ ସେ ବ୍ୟକ୍ତିଗତ ଭାବରେ ମୃତ୍ୟୁକୁ ଅତି ନିକଟରୁ ଦେଖିଲେ । ତେବେ କିଛି ମିନିଟ୍ ପରେ ଲୋକମାନେ ତାଙ୍କୁ ଉଦ୍ଧାର କରିବାକୁ ଆସିଥିଲେ ଏବଂ ସେ ଏକ ନୂଆ ଜୀବନ ପାଆନ୍ତି।
