ଭୁବନେଶ୍ୱର: ବିଜେପି ନେତା ବି ବିଜେଡି ସମ୍ପର୍କରେ ଅଛନ୍ତି । ସେମାନେ ବି ବିଜେଡିରେ ମିଶିବାକୁ ଚାହୁଁଛନ୍ତି । ଆଗକୁ ବଡ଼ ହଲଚଲ ହେବ ବୋଲି ବିଜେଡି ନେତା ଦେବୀ ପ୍ରସାଦ ମିଶ୍ର କହିଛନ୍ତି । ବିଜେଡିର ବିଧାୟକ ଓ ପୂର୍ବତନ ବିଧାୟକ ବିଜେପି ସମ୍ପର୍କରେ ରହିଥିବା ବିଜେପି ସାଂସଦ ସୁକାନ୍ତ ପାଣିଗ୍ରାହୀ କହିବା ପରେ ମିଶ୍ର କାଉଣ୍ଟର କରି ଏହା କହିଛନ୍ତି ।
ବିଜେପି ସରକାର ଗଠନ ହେବା ପରେ ଦୁଇ ଦୁଇ ଜଣ ବିଜେଡି ସାଂସଦ ବିଜେପିରେ ମିଶି ସାରିଛନ୍ତି । ତେବେ ଆଗକୁ ବିସ୍ଫୋରଣ ହେବ ବୋଲି ବିଜେପି ସାଂସଦ ସୁକାନ୍ତ ପାଣିଗ୍ରାହୀ କହିଛନ୍ତି । ଆଗକୁ ବହୁ ବଡ଼ ବଡ଼ ନେତା ବିଜେପିରେ ସାମିଲ ହେବେ ବୋଲି ପାଣିଗ୍ରାହୀ କହିଛନ୍ତି ।
କେବଳ ବିଜେଡି ରାଜ୍ୟସଭା ସାଂସଦ ନୁହନ୍ତି, ବିଜେଡିର ବହୁ ପଦାଧିକାରୀ ବି ବିଜେପି ସମ୍ପର୍କରେ ଅଛନ୍ତି । ବିଜେଡି ବିଧାୟକ ଓ ପୂର୍ବତନ ବିଧାୟକମାନେ ବିଜେପି କଣ୍ଟାକ୍ଟରେ ଅଛନ୍ତି । ଆସନ୍ତା ମାସେ କି ଦେଢ଼ ମାସରେ ସମସ୍ତେ ଇସ୍ତଫା ଦେଇ ବିଜେପିରେ ମିଶିବେ ବୋଲି ପାଣିଗ୍ରାହୀ କହିଛନ୍ତି ।
ପ୍ରକାଶ ଯେ ଓଡ଼ିଶା ରାଜନୀତିରେ ଏବେ ଦଳ ଡିଆଁ ଜୋର ଧରିଛି । ବିଜେପି ସରକାର ଗଠନ ହେବା ପର ଠାରୁ ଦୁଇ ଦୁଇ ଜଣ ରାଜ୍ୟସଭା ସଂସଦ ଦଳ ଛାଡ଼ି ବିଜେପିରେ ମିଶିବା ବିଜେଡିକୁ ଶକ୍ତ ଧକ୍କା ଦେଇଛି ।
