ବେଙ୍ଗାଲୁରୁ: ରେଷ୍ଟୁରାଣ୍ଟ ବିଲରେ ସୁବାସଙ୍କୁ ଶ୍ରଦ୍ଧାଞ୍ଜଳି । ବେଙ୍ଗାଲୁରୁରେ ମୃତ ଇଞ୍ଜିନିୟର ଅତୁଲ ସୁବାସଙ୍କୁ ଦିଆଯାଇଛି ଶଦ୍ଧାଞ୍ଜଳି । ବିଲ୍ ଟିର ଉପରି ଭାଗରେ ଆଇଟମ୍ ଏବଂ ଏହାର ମୂଲ୍ୟ ଉଲ୍ଲେଖ ରହିଛି। ଏବଂ ବିଲର ତଳ ଭାଗରେ ଅତୁଲ ସୁବାସଙ୍କୁ ଶ୍ରଦ୍ଧାଞ୍ଜଳି ଦିଆଯାଇଛି। ଏଥିରେ ଉଲ୍ଲେଖ ରହିଛି ଯେ ଅତୁଲଙ୍କ ଜୀବନ ହାରିବା ଘଟଣାରେ ଆମେ ଗଭୀର ଶ୍ରଦ୍ଧାଞ୍ଜଳି ଜଣାଉଛୁ। ଆପଣଙ୍କ ଆତ୍ମାକୁ ସଦଗତି ମିଳୁ। ରେଷ୍ଟ ଇନ ପିସ୍ ଭାଇ ।
କିଛି ଦିନ ପୂର୍ବରୁ ପତ୍ନୀ ଏବଂ ଶ୍ଵଶୁର ଘର ଲୋକଙ୍କ ନିର୍ୟ୍ୟାତନା ସହ୍ୟ କରିନପାରି କର୍ଣ୍ଣାଟକର ବେଙ୍ଗାଲୁରୁ ସହରରେ ବାସ କରୁଥିବା ଜଣେ ସଫ୍ଟୱେୟାର ଇଞ୍ଜିନିୟର ଅତୁଲ ସୁବାସ ଆତ୍ମହତ୍ୟା କରିଥିଲେ। ଅତୁଲ ତାଙ୍କ ମୃତ୍ୟୁ ପୂର୍ବରୁ ଏକ ସୁଇସାଇଡ୍ ନୋଟ୍ ସହ ଦେଢ ଘଣ୍ଟାର ଏକ ଭିଡିଓ ବାର୍ତ୍ତା ଜାରି କରିଥିଲେ। ଯାହା ସମସ୍ତଙ୍କୁ ବେଶ୍ ଦୁଃଖିତ କରିଛି। ପୁଲିସ୍ ଏହି ଘଟଣାରେ ତାଙ୍କ ପତ୍ନୀ ନିକିତା, ନିକିତାଙ୍କ ମାଆ ଓ ଭାଇକୁ ଗିରଫ କରିଛି। ତେବେ ଅତୁଲଙ୍କ ଏହି ଭିଡିଓ ବାର୍ତ୍ତା ପରେ ସୋସିଆଲ ମିଡିଆରେ ଏକ ରେଷ୍ଟୁରାଣ୍ଟ ବିଲ୍ ଖୁବ୍ ଭାଇରାଲ ହେବାରେ ଲାଗିଛି।
