ଭୁବନେଶ୍ୱର: ପୁଣି ରେକର୍ଡ ସୃଷ୍ଟି କଲା ଓଡ଼ିଶା । ରାଜ୍ୟରେ ସର୍ବାଧିକ ଅଛି କଇଁଛଙ୍କ ସଂଖ୍ୟା । କଇଁଛ ଗଣନା ପରେ ସାମ୍ନାକୁ ଆସିଛି ତଥ୍ୟ । ଗ୍ରୀଷ୍ମ ପ୍ରବାହରେ ଓଡ଼ିଶାରେ କଇଁଛଙ୍କ ଆଗମନ ସର୍ବକାଳୀନ ରେକର୍ଡ ସୃଷ୍ଟି କରିଛି।
ପିସିସିଏଫ୍ଙ୍କ ତଥ୍ୟ ଅନୁଯାୟୀ, ୨୦୨୦-୨୧ ବର୍ଷରେ ରାଜ୍ୟରେ ଗହୀରମଥାରେ ୩.୫୦ଲକ୍ଷ କଇଁଛଙ୍କ ସମାଗମ ହୋଇଥିବାବେଳେ ୨୦୨୧-୨୨ରେ ୧୦.୫୧ଲକ୍ଷ, ୨୦୨୨-୨୩ରେ ୧୧.୪୯ଲକ୍ଷ କଇଁଛଙ୍କ ସମାଗମ ହୋଇଥିଲା। ୨୦୨୩-୨୪ବର୍ଷ ତୁଳନାରେ ଚଳିତବର୍ଷ ୫ଗୁଣ ଅଧିକ ଆସିଛନ୍ତି। ତେବେ ଗତବର୍ଷ ମାତ୍ର ୩.୦୧ଲକ୍ଷ କଇଁଛ ଆସିଥିବା ବେଳେ ଚଳିତବର୍ଷ ଗହୀରମଥାରେ ୬ଲକ୍ଷ ୭ହଜାର, ଋଷିକୁଲ୍ୟାରେ ୬.୯୯ଲକ୍ଷ ଏବଂ ଅନ୍ୟାନ୍ୟ ସ୍ଥାନରେ ଅବଶିଷ୍ଟ ୨.୦୫ ଲକ୍ଷ କଇଁଛଙ୍କ ସମାଗମ ହୋଇଛି।
