ନୂଆଦିଲ୍ଲୀ ୩୦/ଜୁନ୍ : ଭାରତୀୟ ରେଳବାଇ ଯାତ୍ରୀ ସଂରକ୍ଷଣ ପ୍ରଣାଳୀ (PRS)କୁ ଅଧିକ ଦ୍ରୁତ ଓ କ୍ଷମତାଶୀଳ କରିବା ପାଇଁ ଅପଗ୍ରେଡ୍ କରାଯିବାକୁ ଯାଉଛି। ଏହି ଉଦ୍ୟମ ମାଧ୍ୟମରେ ଏବେ ପ୍ରତି ମିନିଟରେ ୧.୫ ଲକ୍ଷରୁ ଅଧିକ ଟିକେଟ ବୁକିଂ ସମ୍ଭବ ହେବ। ଏହି ସୂଚନା ଅନୁସାରେ, ଟ୍ରେନ ରିଜର୍ଭେସନ ଚାର୍ଟ ଏବେ ଟ୍ରେନ୍ ପ୍ରସ୍ଥାନର ୪ ଘଣ୍ଟା ପୂର୍ବରୁ ନୁହେଁ, ବରଂ୮ ଘଣ୍ଟା ପୂର୍ବରୁ ପ୍ରସ୍ତୁତ କରାଯିବା ପ୍ରସ୍ତାବ ରହିଛି। ଏହା ଯାତ୍ରୀମାନଙ୍କ ମଧ୍ୟରେ ଥିବା ଅନିଶ୍ଚିତତା ଦୂର କରି ଅଧିକ ଯାତ୍ରା ସୁବିଧା ପ୍ରଦାନ କରିବ। ଯେଉଁ ଟ୍ରେନ ଦିନ ୧୪୦୦ ଘଣ୍ଟାରୁ ଆଗରେ ଛାଡ଼େ, ସେଗୁଡ଼ିକର ଚାର୍ଟ ପୂର୍ବ ଦିନ ୨୧୦୦ ଘଣ୍ଟାରେ ପ୍ରସ୍ତୁତ ହେବ। ଏହି ବଦଳରେ ଯାତ୍ରୀମାନେ ଏହି ଅପେକ୍ଷା ତାଲିକା ସ୍ଥିତି ବିଷୟରେ ପ୍ରଥମ ଅପଡେଟ୍ ଅଧିକ ସମୟ ଆଗରୁ ଜାଣିପାରିବେ ଓ ବିକଳ୍ପ ବ୍ୟବସ୍ଥା କରିପାରିବେ। ଦୂର ଥିବା ଯାତ୍ରୀମାନେ ମଧ୍ୟ ଏହି ନୂଆ ବ୍ୟବସ୍ଥାରୁ ଲାଭ ଉଠାଇପାରିବେ। ୧ ଜୁଲାଇ ୨୦୨୫ ଠାରୁ ତତ୍କାଳ ଟିକେଟ ବୁକିଂ ପାଇଁ ଆଇଆରସିଟିସିର ୱେବସାଇଟ୍ ଓ ଆପ୍ରେ ମାତ୍ର ପ୍ରମାଣିତ ଉପଭୋକ୍ତାମାନେ ଅନୁମତି ପାଇବେ। ଏହି ଲାଗି ଓଟିପି ଆଧାରିତ ପ୍ରମାଣୀକରଣ ନିୟମ ଲାଗୁ କରାଯିବାକୁ ଯାଉଛି, ଯାହା ଉପଭୋକ୍ତାଙ୍କ ଆଧାର କିମ୍ବା ଡିଜିଲକର ଆକାଉଣ୍ଟ ଆଧାରିତ ସରକାରୀ ପରିଚୟ ପତ୍ର ଦ୍ୱାରା ହେବ। ଏହା ଟିକେଟ୍ ବୁକିଂ ମଧ୍ୟରେ ନିୟମିତା ଓ ସ୍ୱଚ୍ଛତା ଆଣିବ। ରେଳମନ୍ତ୍ରୀ ଏହି ସମସ୍ତ ପଦକ୍ଷେପ ଉପରେ ସମୀକ୍ଷା କରି ବୋର୍ଡକୁ ନିର୍ଦ୍ଦେଶ ଦେଇଛନ୍ତି ଯେ ଏହାକୁ ପର୍ଯ୍ୟାୟକ୍ରମେ ଅମଲ କରାଯାଉ। କ୍ରାଇସ୍ ଦ୍ୱାରା ବିକଶିତ ଏହି ଟେକ୍ନୋଲୋଜି ସିଷ୍ଟମ ଦ୍ୱାରା ରେଳ ବ୍ୟବସ୍ଥାକୁ ଅଧୁନିକ ଓ ନାଗରିକ ଅନୁକୂଳ କରିବା ଦିଗରେ ଏହି ଉନ୍ନତି ଗଭୀର ପ୍ରଭାବ ପକାଇବ।
