ଭୁବନେଶ୍ୱର ୧୮/ଜୁଲାଇ : ଆଜି ଭୁବନେଶ୍ୱରର ଜାଗମରାରେ ଥିବା ITR (SOA) ଘରୋଇ ବିଶ୍ୱବିଦ୍ୟାଳୟରେ ଅଗ୍ନିକାଣ୍ଡ ଘଟିଛି। ରିପୋର୍ଟ ଅନୁଯାୟୀ, ଶିକ୍ଷାନୁଷ୍ଠାନର ଅଡିଟୋରିୟମ୍ରେ ଛାତ୍ର ନିଯୁକ୍ତି କାର୍ଯ୍ୟକ୍ରମ ଚାଲିଥିବା ସମୟରେ ଏହି ଘଟଣା ଘଟିଥିଲା। ରିପୋର୍ଟ ଅନୁଯାୟୀ, ଘଟଣା ସମୟରେ ସେଠାରେ ଶହେରୁ ଅଧିକ ଛାତ୍ରଛାତ୍ରୀ ଉପସ୍ଥିତ ଥିଲେ। ଘଟଣାର ଅନେକ ଚିତ୍ର ସାମ୍ନାକୁ ଆସୁଛି, ଯେଉଁଥିରେ ଭୟଙ୍କର ଅଗ୍ନିକାଣ୍ଡ, ଛାତ୍ରମାନେ ଝରକା ଭାଙ୍ଗିବା ଏବଂ ଅଡିଟୋରିୟମ୍ରୁ ପ୍ରବଳ ଧୂଆଁ ବାହାରୁଥିବା ଦେଖାଯାଉଛି। ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ଏବଂ ଆମ୍ବୁଲାନ୍ସ ଘଟଣାସ୍ଥଳକୁ ପହଞ୍ଚିଛି, ଏହାସହ ପୋଲିସ ମଧ୍ୟ ଉପସ୍ଥିତ ଅଛନ୍ତି। କୌଣସିବି ଲୋକଙ୍କୁ ମୁଖ୍ୟଫାଟକ ଭିତରକୁ ପ୍ରବେଶ ନିଷେଧ ହୋଇଯାଇଛି ଏବଂ ଏହା ସହ ଅଗ୍ନିକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ ଏବଂ କୌଣସି କ୍ଷୟକ୍ଷତିର ରିପୋର୍ଟ ମଧ୍ୟ ମିଳିପାରିନାହିଁ।
