ଭୁବନେଶ୍ୱର, ଅମରେଶ ପତିଙ୍କ ନୂଆ ସିନେମା ‘ଅଲିଅଳି ରାଜଜେମା’ର ପ୍ରିମିୟର ହେବାକୁ ଯାଉଛି। ‘ତରଙ୍ଗ’ ଚ୍ୟାନେଲ୍ ପାଇଁ ପ୍ରସ୍ତୁତ ଏହି ଟେଲି ସିନେମାର ପ୍ରଯୋଜନା କରିଛନ୍ତି ସଞ୍ଜୀବ ଦ୍ବିବେଦୀ।
ଏଥିରେ କୁକିଜ୍ ସ୍ବାଇଁ, ସନ୍ଦୀପ, ପୃଥ୍ବୀରାଜ, ରାଜଲକ୍ଷ୍ମୀ ଓ ଅଳକା ପ୍ରମୁଖ ମୁଖ୍ୟ ଭୂମିକାରେ ଅଛନ୍ତି। ଦର୍ଶକ କୁକିଜଙ୍କୁ ଦୁଇଟି ଭିନ୍ନ ଭିନ୍ନ ଚରିତ୍ରରେ ଦେଖିବାକୁ ପାଇବେ। ବୈଦ୍ୟନାଥ ଦାଶ ଏଥିରେ ସଙ୍ଗୀତ ନିର୍ଦ୍ଦେଶନା ଦେଇଛନ୍ତି। ଆସନ୍ତାକାଲି (୨୪ ତାରିଖ) ‘ଅଲିଅଳି ରାଜଜେମା’ ତରଙ୍ଗ ଚ୍ୟାନେଲରେ ପ୍ରସାରିତ ହେବ।
