ଭୁବନେଶ୍ୱର ,ଏହି ଭୂମିକମ୍ପ ଅନେକ ଗାଁକୁ ସମ୍ପୂର୍ଣ୍ଣ ଭାବରେ ଧ୍ୱଂସ କରିଦେଇଛି। ଆଫଗାନିସ୍ତାନରେ ହୋଇଥିବା ପ୍ରଳୟଙ୍କରୀ ଭୂମିକମ୍ପ ହଜାର ହଜାର ଲୋକଙ୍କ ଜୀବନକୁ ଦୁର୍ବିଶହ କରିପକାଇଛି।
କୁନାର ପ୍ରଦେଶରେ ହୋଇଥିବା ଏହି ଭୂମିକମ୍ପରେ, ୨୨୦୦ରୁ ଅଧିକ ଲୋକ ପ୍ରାଣ ହରାଇଥିବା ବେଳେ, ୩୬୦୦ରୁ ଅଧିକ ଲୋକ ଆହତ ହୋଇଥିବା ସୂଚନା ମିଳିଛି।କେବଳ ସେତିକି ନୁହେଁ ଗୋଟିଏ ରାତିରେ ୫ ଥର ବଡ଼ ବଡ଼ ଭୂମିକମ୍ପ ଝଟକା ଅନୁଭୂତ ହେବା ପରେ ପୁଣିଥରେ ୨୪ ଘଣ୍ଟା ପରେ ଭୂକମ୍ପ ଆସିଥିଲା। ଯାହା ଫଳରେ ପାହାଡ଼ରୁ ପଥର ଖସିବା ଆରମ୍ଭ ହୋଇଥିଲା ଏବଂ ଅନେକ ସ୍ଥାନରେ ଭୂସ୍ଖଳନ ହୋଇଥିଲା।
ସେମାନଙ୍କ ମନରେ ଏକ ଭୟ ବସା ବାନ୍ଧି ରହିଛି କି ପୁଣିଥରେ ଭୂମିକମ୍ପ ହୋଇପାରେ ଏବଂ ଯେକୌଣସି ସମୟରେ ପାହାଡ଼ରୁ ବଡ଼ ବଡ଼ ପଥର କସିପାରେ। ତେଣୁ ଲୋକମାନେ ଖୋଲା ଆକାଶ ତଳେ, ବିଲରେ, ରାସ୍ତାରେ ଏବଂ ନଦୀ କୂଳରେ ଜୀବନ ବିତାଉଛନ୍ତି।
ଆଫଗାନିସ୍ତାନରେ ଦାରିଦ୍ର୍ୟ ପୂର୍ବରୁ ବହୁତ ଅଧିକ। ରାସ୍ତା, ହସ୍ପିଟାଲ ଏବଂ ଘର ଭଳି ସୁବିଧା ବହୁତ କମ୍।
ଅନେକ ଗାଁ ସହର ରାସ୍ତାଠାରୁ ବହୁତ ଦୂରରେ ଅବସ୍ଥିତ। ଏଠାରେ ଅଧିକାଂଶ ଘର ମାଟି ଏବଂ ପଥରରେ ତିଆରି, ଯାହା ଭୂମିକମ୍ପ ହେଲେ ତୁରନ୍ତ ଧ୍ୱଂସ ପାଇଯାଏ।
ବହୁ ସଂଖ୍ୟକ ଲୋକ ଅସ୍ଥାୟୀ ରିଲିଫ୍ ଶିବିରରେ ରହୁଛନ୍ତି। ଯଦିଓ ସହାୟତା ସଂଗଠନଗୁଡ଼ିକ ହେଲିକପ୍ଟର ମାଧ୍ୟମରେ ଖାଦ୍ୟ ଏବଂ ଅତ୍ୟାବଶ୍ୟକୀୟ ସାମଗ୍ରୀ ପଠାଉଛନ୍ତି, ଭୂମିକମ୍ପ ପୀଡିତମାନେ କହିଛନ୍ତି ଯେ ଏହି ସାହାଯ୍ୟ ବହୁତ ଧୀର ଏବଂ ସେମାନଙ୍କୁ ନିୟମିତ ଭାବରେ ଖାଦ୍ୟ ମିଳୁନାହିଁ।ଆଫଗାନିସ୍ତାନ ପୂର୍ବରୁ ବିଶ୍ୱର ସବୁଠାରୁ ଗରିବ ଏବଂ ଭୂମିକମ୍ପ ପ୍ରଭାବିତ ଦେଶ ମଧ୍ୟରୁ ଗୋଟିଏ।
