ଭୁବନେଶ୍ୱର ,ଆଜିଠୁ ଦୁଇ ଦିନିଆ ପଶ୍ଚିମବଙ୍ଗ ଗସ୍ତରେ ଯିବେ ବିଜେପିର ନୂତନ ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନ। ଦୁର୍ଗାପୁର ଏବଂ ଆସାନସୋଲ ଗସ୍ତ କରିବେ ନିତିନ । ଦଳର ରାଷ୍ଟ୍ରୀୟ ଅଧ୍ୟକ୍ଷ ହେବା ପରେ, ଏହା ତାଙ୍କର ପ୍ରଥମ ପଶ୍ଚିମବଙ୍ଗ ଗସ୍ତ। ସେ ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ କରିବା ସହିତ ସାଂଗଠନିକ ବୈଠକ କରିବେ।ଦଳର ବରିଷ୍ଠ ନେତା ଏବଂ ଦଳୀୟ କର୍ମୀଙ୍କ ସହ ଆଲୋଚନା କରିବେ ନିତିନ। ନୀତିନ ନବୀନ ଗସ୍ତ କରୁଥିବା ଦୁର୍ଗାପୁର ଏବଂ ଆସାନସୋଲରେ ବହୁ ସଂଖ୍ୟକ ଅଣ-ବଙ୍ଗାଳୀ ଭୋଟର ଅଛନ୍ତି। ଏହି ଭୋଟରଙ୍କ ମଧ୍ୟରୁ ଅଧିକାଂଶ ମୂଳତଃ ବିହାରର। ଏଣୁ ନିତିନ ନବୀନଙ୍କ ଗସ୍ତ ଏଠାରେ ରହୁଥିବା ଭୋଟରଙ୍କ ପାଇଁ ଏକ ବଡ଼ ବାର୍ତ୍ତା ଦେବ ।ପଶ୍ଚିମ ବର୍ଦ୍ଧମାନର ଏହି ଦୁଇଟି ଲୋକସଭା ଆସନ ଏବେ ତୃଣମୂଳ କଂଗ୍ରେସ ହାତରେ ଅଛି। ଆସନ୍ତା ନିର୍ବାଚନରେ ଏହି ଲୋକସଭା ଆସନ ଅନ୍ତର୍ଗତ ବିଧାନସଭା ଆସନ ଉପରେ ବିଜେପି ନଜର ରଖିଛି। ନିତିନ ନବୀନଙ୍କ ଗସ୍ତ ଭୋଟର ଓ ଦଳୀୟ କର୍ମୀଙ୍କ ଉପରେ ବଡ଼ ପ୍ରଭାବ ପକାଇପାରେ ବୋଲି ବିଜେପି ଆଶା ରଖିଛି । ବିଭିନ୍ନ କାର୍ଯ୍ୟକ୍ରମରେ ଅଂଶଗ୍ରହଣ ଓ ସାଂଗଠନିକ ବୈଠକ କରିବେ
