ଭୁବନେଶ୍ୱର ,୨୦୨୫ର ଐତିହାସିକ ଟାଇଟଲ୍ ବିଜୟର ପ୍ରଭାବ କାର୍ତ୍ତିକଙ୍କ ଦଳରେ ,ସ୍ପଷ୍ଟ ଭାବରେ ଦେଖାଯାଉଛି, କାରଣ ସେ ପୂର୍ବ କିମ୍ବଦନ୍ତୀମାନଙ୍କ ତୁଳନାରେ ବର୍ତ୍ତମାନର ଚାମ୍ପିଅନସିପ୍ ବିଜୟୀ ଦଳର ଖେଳାଳିମାନଙ୍କୁ ପ୍ରାଥମିକତା ଦେଇଛନ୍ତି।ବ୍ୟାଟିଂ ଲାଇନଅପ୍ ପାଇଁ ଦିନେଶ କାର୍ତ୍ତିକ କ୍ରିସ୍ ଗେଲ୍ ଏବଂ ଫାଫ୍ ଡୁ ପ୍ଲେସିସଙ୍କୁ ତାଙ୍କର ଓପନର୍ ଭାବରେ ବାଛିଛନ୍ତି। ଏହାର ଅର୍ଥ ହେଉଛି ଯେ IPL ଇତିହାସରେ ସର୍ବାଧିକ ରନ୍ ସ୍କୋରର୍ ବିରାଟ କୋହଲିଙ୍କୁ, ଓପନିଂ ସ୍ଲଟ୍ ରୁ ନମ୍ବର ୩ କୁ ସ୍ଥାନାନ୍ତର କରାଯାଇଛି। ଅଧିନାୟକ ରଜତ ପାଟିଦାରଙ୍କୁ, ନମ୍ବର ୪ ରେ ସ୍ଥାନ ଦିଆଯାଇଛି, ଯେତେବେଳେ କି RCB କିମ୍ବଦନ୍ତୀ ଖେଳାଳି AB ଡିଭିଲିୟର୍ସଙ୍କୁ ନମ୍ବର ୫ ସ୍ଥାନ ଦିଆଯାଇଛି।ବୋଲିଂ ବିଭାଗରେ ପୂର୍ବ ରେକର୍ଡ ଉପରେ ଆଧାର କରି ଦିନେଶ ହର୍ଷଲ ପଟେଲ ଏବଂ ୟୁଜଭେନ୍ଦ୍ର ଚହଲଙ୍କୁ ଚୟନ କରିଛନ୍ତି । ପେସ୍ ବୋଲିଂ ବିଭାଗରେ, ମହମ୍ମଦ ସିରାଜଙ୍କୁ, ସାମିଲ କରାଯାଇଛି, ଯେତେବେଳେ କି ଜୋଶ୍ ହାଜେଲଉଡ୍ ୧୧ ନମ୍ବର ସ୍ଥାନ ସୁରକ୍ଷିତ କରିଛନ୍ତି । ସେହିପରି ଅଲରାଉଣ୍ଡର କୃନାଲ ପାଣ୍ଡ୍ୟାଙ୍କୁ ନମ୍ବର ୭ରେ ରଖିଛନ୍ତି। କୃନାଲଙ୍କ ବିଷୟରେ, କହି କାର୍ତ୍ତିକ ମନ୍ତବ୍ୟ ଦେଇଛନ୍ତି, “ଯଦି RCB ଆଜି ଟ୍ରଫି ଧରିଥାଏ, ତେବେ ଏହାର ଏକ ଗୁରୁତ୍ୱପୂର୍ଣ୍ଣ ଅଂଶ କୃନାଲଙ୍କ ଫାଇନାଲରେ ବୋଲିଂ ଏବଂ CSK ବିପକ୍ଷରେ ତାଙ୍କ ମ୍ୟାଚ୍ ବିଜୟୀ ପ୍ରଦର୍ଶନକୁ ଯିବ।”
