ଭୁବନେଶ୍ୱର ,ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ ଯେ ଇରାନ ସହିତ ଚାଲିଥିବା ସଂଘର୍ଷ ଖୁବ୍ ଶୀଘ୍ର ଶେଷ ହେବ, କିନ୍ତୁ ସେ ସ୍ପଷ୍ଟ କରିଛନ୍ତି ଯେ ଏହି ସପ୍ତାହରେ ଏହା ବନ୍ଦ ହେବ ନାହିଁ।ଏକ ସାମ୍ବାଦିକ ସମ୍ମିଳନୀରେ ଟ୍ରମ୍ପ୍ କହିଥିଲେ, “ମୁଁ ଭାବୁନାହିଁ ଯେ ଏହି ଯୁଦ୍ଧ ଏହି ସପ୍ତାହରେ ଶେଷ ହେବ, କିନ୍ତୁ ଏହା ଶୀଘ୍ର ଶେଷ ହେବ। ଏଥିରେ ଅଧିକ ସମୟ ଲାଗିବ ନାହିଁ। ଏହି ଯୁଦ୍ଧ ସମାପ୍ତ ହେବା ପରେ, ସମଗ୍ର ବିଶ୍ୱ ସୁରକ୍ଷିତ ହୋଇଯିବ।”ହ୍ୱାଇଟ୍ ହାଉସରେ ସାମ୍ବାଦିକଙ୍କ ସହ କଥାବାର୍ତ୍ତା ସମୟରେ ଟ୍ରମ୍ପ ଅତ୍ୟନ୍ତ ଆଶାବାଦୀ ସ୍ୱରରେ କହିଥିଲେ କିନ୍ତୁ ସମୟସୀମା ସମ୍ପର୍କରେ କୌଣସି ଠୋସ୍ ବିବରଣୀ ପ୍ରଦାନ କରିନଥିଲେ। ସାମ୍ବାଦିକମାନେ ସିଧାସଳଖ ପଚାରିଲେ ଯେ ଏହା କେବଳ ଗୋଟିଏ ସପ୍ତାହ ମଧ୍ୟରେ ବନ୍ଦ ହୋଇପାରିବ କି, ଟ୍ରମ୍ପ୍ ପ୍ରଥମେ ହଁ ବୋଲି ଉତ୍ତର ଦେଇଥିଲେ, କିନ୍ତୁ ତୁରନ୍ତ ନିଜକୁ ସଂଶୋଧନ କରି କହିଥିଲେ ଯେ ଏହା ହେବାର ସମ୍ଭାବନା କମ୍।ଇରାନ କାତାର, ସାଉଦି ଆରବ, ୟୁଏଇ, ବାହାରିନ ଏବଂ କୁୱେତ ଭଳି ଦେଶ ଉପରେ ଆକ୍ରମଣ କରିଥିଲା। ଟ୍ରମ୍ପ୍ ମନ୍ତବ୍ୟ ଦେଇଥିଲେ, “ଏପରିକି ଗୁଇନ୍ଦା ସଂସ୍ଥାଗୁଡ଼ିକ ମଧ୍ୟ ଏହା ଆଶା କରିନଥିଲେ। ପ୍ରମୁଖ ବିଶେଷଜ୍ଞମାନେ ମଧ୍ୟ ଭାବି ନଥିଲେ ଯେ ଇରାନ ଏପରି ଆକ୍ରମଣ କରିବ।”
