ଭୁବନେଶ୍ୱର, ୨୦/୦୯/୨୦୨୨- କମିଶନରେଟ ପୋଲିସର ସ୍ପେଶାଲ ଡ୍ରାଇଭ । ଭୁବନେଶ୍ୱର ସାଲିଆ ସାହିରେ ପୋଲିସର ଚଢାଉ । ପାର୍ବଣକୁ ଆଖିରେ ରଖି କମିଶନରେଟ ପୋଲିସ ଏହି ରେଡ୍ କରିଛି । ବେଆଇନ ନିଶା କାରବାର ନେଇ ମଙ୍ଗଳବାର ଏହି ଚଢ଼ାଉ କରାଯାଇଛି । ଏହି ଚଢାଉରେ ପୋଲିସକୁ ବିପୁଳ ପରିମାଣର ଦେଶୀ ମଦ, ମଦ ପ୍ରସ୍ତୁତ ସାମଗ୍ରୀକୁ ଜବତ କରିବା ସହିତ କିଛି ମଦକୁ ନଷ୍ଟ କରି ଦିଆଯାଇଛି ।
ସେପଟେ ଦେଶୀ ମଦ କାରବାର ଓ ପ୍ରସ୍ତୁତ ଅଭିଯୋଗରେ କିଛି ଲୋକଙ୍କୁ ତାଗିଦ୍ କରିଛି କମିଶନରେଟ୍ ପୋଲିସ । ଯେଉଁସବୁ ଘରେ ରେଡ୍ ହେଉଛି, ତାହା ଭାଙ୍ଗିବା ପାଇଁ ବିଏମସିକୁ ଲେଖିବୁ ବୋଲି ଡିସିପି କହିଛନ୍ତି । ଏହି ଚଢ଼ାଉରେ ନିଜେ ଭୁବନେଶ୍ୱର ଡିସିପି ପ୍ରତୀକ ସିଂ ଓ ସ୍ୱତନ୍ତ୍ର ସ୍କ୍ୱାଡ୍ ସାମିଲ ହୋଇଛନ୍ତି ।
