ପଦ୍ମପୁର, ୧୪/୧୧/୨୦୨୨ – ପଦ୍ମପୁର ଉପନିର୍ବାଚନ ପାଇଁ ସୋମବାର ବର୍ଷା ସିଂହ ବରିହାଙ୍କୁ ପ୍ରାର୍ଥୀ ଘୋଷଣା କରିଛି ବିଜେଡି । ବିଜେଡି ସୁପ୍ରିମୋ ନବୀନ ପଟ୍ଟନାୟକ ବର୍ଷାଙ୍କ ନାଁ ଉପରେ ମୋହର ମାରିଛନ୍ତି । ବର୍ଷା ହେଉଛନ୍ତି ସ୍ବର୍ଗତ ବିଧାୟକ ବିଜୟ ରଞ୍ଜନ ସିଂହ ବରିହାଙ୍କ ଝିଅ । ପ୍ରାର୍ଥୀ ହେବା ପରେ ବର୍ଷା ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି । ୧୬ରେ ନାମାଙ୍କନ କରିବା ନେଇ ବର୍ଷା ସୂଚନା ଦେଇଛନ୍ତି । ସରକାରୀ ଯୋଜନାକୁ ଲୋକଙ୍କ ନିକଟରେ ପହଞ୍ଚାଇବା,ମହିଳାଙ୍କ ସଶକ୍ତୀକରଣକୁ ଜଣାଇଛନ୍ତି ଗୁରୁତ୍ୱ ଦେବେ ବୋଲି ନିଜ ପ୍ରତିକ୍ରିୟାରେ କହିଛନ୍ତି । ବିଜୟ ରଞ୍ଜନଙ୍କ ମୃତ୍ୟୁ ପରେ ଏହି ବିଧାନସଭା ଆସନ ଖାଲି ପଡିଛି ।
