ନିଜର କଣ୍ଠସ୍ୱର ପାଇଁ ଫ୍ୟାନ୍ସଙ୍କ ମଧ୍ୟରେ ବେଶ୍ ପରିଚିତ ବିଗ୍ ବି ଅମିତାବ ବଚନ । ହୃଦୟସ୍ପର୍ଶୀ ଅଭିନୟ ସାଙ୍ଗକୁ ସ୍ୱରର ଯାଦୁ ପାଇଁ ଦଶନ୍ଧି ଦଶନ୍ଧି ଧରି କୋଟି କୋଟି ଦର୍ଶକଙ୍କ ମଧ୍ୟରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛନ୍ତି । ଶୁକ୍ରବାର ଦିନ ଦିଲ୍ଲୀ ହାଇକୋର୍ଟ ମଧ୍ୟବର୍ତ୍ତୀକାଳୀନ ଆଦେଶ ଜାରି କରିଛନ୍ତି, ଯାହା ଅନୁଯାୟୀ ମେଗାଷ୍ଟାରଙ୍କ ଅନୁମତି ବିନା ଅମିତାଭ ବଚ୍ଚନଙ୍କ ସ୍ୱର, ନାମ ଏବଂ ଚେହେରା ସହ ଜଡିତ କୌଣସି ବିଜ୍ଞାପନରେ ବ୍ୟବହାର କରାଯାଇପାରିବ ନାହିଁ। ଶୁକ୍ରବାର ଦିନ ଦିଲ୍ଲୀ ହାଇକୋର୍ଟ ଟେଲିକମ୍ ମନ୍ତ୍ରଣାଳୟ ସମେତ ସମ୍ପୃକ୍ତ ବିଭାଗକୁ ଅମିତାଭ ବଚ୍ଚନଙ୍କ ସହ ଜଡିତ ସାମଗ୍ରୀ ହଟାଇବାକୁ କହିଛନ୍ତି ଯାହା ତାଙ୍କ ବିନା ଅନୁମତିରେ ବ୍ୟବହୃତ ହେଉଛି।
ଜଷ୍ଟିସ୍ ନବିନ ଚାୱଲାଙ୍କ ବେଞ୍ଚ ଅମିତାଭ ବଚ୍ଚନଙ୍କ ବ୍ୟକ୍ତିତ୍ୱ ଅଧିକାରର ସୁରକ୍ଷାକୁ ଅନୁମୋଦନ କରିଛି। କୋର୍ଟଙ୍କ ଅନୁଯାୟୀ ଅମିତାଭ ବଚ୍ଚନ ଦେଶର ଅନ୍ୟତମ ପ୍ରସିଦ୍ଧ ବ୍ୟକ୍ତି ଏବଂ ତାଙ୍କ ନାମ ଏବଂ ଚେହେରା ବିଭିନ୍ନ ବିଜ୍ଞାପନରେ ବ୍ୟବହୃତ ହୋଇଆସୁଛି। ଅନେକ ଥର ତାଙ୍କ ସ୍ୱର, ଚେହେରା ତାଙ୍କ ଅନୁମତି ବିନା ସେମାନଙ୍କ ସାମଗ୍ରୀ ଏବଂ ବ୍ୟବସାୟକୁ ପ୍ରୋତ୍ସାହିତ କରିବା ପାଇଁ ବ୍ୟବହୃତ ହୁଏ, ଯେଉଁ କାରଣରୁ ବିଗ୍ ବି ବିରକ୍ତ ହୁଅନ୍ତି । ଏଭଳି ପରିସ୍ଥିତିରେ ସେ ତାଙ୍କ ସମସ୍ୟାକୁ କୋର୍ଟରେ ରଖିଥିଲେ।
କୋର୍ଟ ବିଗ୍ ବି ସପକ୍ଷରେ ରାୟ ଦେଇଛନ୍ତି। ବର୍ତ୍ତମାନ ଅମିତାଭ ବଚ୍ଚନଙ୍କ ଅନୁମୋଦନ ବିନା ଯଦି ତାଙ୍କର ଫଟୋ, ସ୍ୱର କିମ୍ବା ନାମ ବ୍ୟବହାର କରାଯାଏ, ତେବେ ଏପରି କରୁଥିବା ବ୍ୟକ୍ତି ଆଇନଗତ ଅସୁବିଧାରେ ପଡ଼ିପାରନ୍ତି ।
