ଭୁବନେଶ୍ୱର,୨୭/୧୧/୨୦୨୨- କେନ୍ଦୁଝର ପୁରୁଣା ବଜାରସ୍ଥିତ ରାଜ ଉଆସରୁ ଦୁଇଟି ଅଜଗର ସାପ ଉଦ୍ଧାର କରାଯାଇଛି । ଏହି ସାପ ଦୁଇଟିକୁ ଦେଖିବାକୁ ଲୋକଙ୍କ ଭିଡ଼ ଲାଗିଥିଲା । ବନ ବିଭାଗ କର୍ମଚାରୀମାନେ ସାପ ଧରାଳି ସୁଦର୍ଶନ ସ୍ୱାଇଁଙ୍କ ସହାୟତରେ ଏହି ସାପ ଦୁଇଟିକୁ ଧରି ଜଙ୍ଗଲରେ ସୁରକ୍ଷିତ ଭାବେ ଛାଡିଛନ୍ତି । ପ୍ରବଳ ଶୀତ ଯୋଗୁଁ ଅଜଗର ଦୁଇଟି ଗାତରୁ ବାହାରି ଖରାରେ ଶୋଇଥିଲେ । ସ୍ଥାନୀୟ ଲୋକେ ସାପ ଦୁଇଟିକୁ ଦେଖି ବନ ବିଭାଗକୁ ଖବର ଦେଇଥିଲେ । ଖବର ପାଇ ବନ ବିଭାଗ କର୍ମଚାରୀମାନେ ସାପ ଦୁଇଟିକୁ ଉଦ୍ଧାର କରିଥିଲେ ।
