ଭୁବନେଶ୍ୱର: ଲିଓ ଇଲେକ୍ଟ୍ରିକ୍ ସ୍କୁଟରର ଏକ ନୂତନ ହାଇ ସ୍ପିଡ୍ ଭାରିଆଣ୍ଟ ମାର୍କେଟରେ ଲଞ୍ଚ କରିଛି। ନୂତନ ହପ୍ ଲିଓର (ଶୋ’ରୁମ୍) ମୂଲ୍ୟ ୯୭,୦୦୦। କମ୍ପାନୀ ଦାବି କରିଛି ଯେ ଏହି ହାଇ ସ୍ପିଡ୍ ଇଲେକ୍ଟ୍ରିକ୍ ସ୍କୁଟର କିମି ପିଛା ମାତ୍ର ୨୦ ପଇସା ଖର୍ଚ୍ଚ ହେବ। ସମ୍ପୂର୍ଣ୍ଣ ଚାର୍ଜରେ ଏହି ସ୍କୁଟର ୧୨୫କିମି ରେଞ୍ଜ ଦେଇଥାଏ ବୋଲି କମ୍ପାନୀ ଦାବି କରିଛି।
ଏହି ଇଲେକ୍ଟ୍ରିକ୍ ସ୍କୁଟରରେ ୨.୨ kW BLDC ହବ୍ ଇଲେକ୍ଟ୍ରିକ୍ ମୋଟର ଅଛି, ଯାହା ୯୦ Nm ର ଶିଖର ଟର୍କ୍କ ଆଉଟପୁଟ୍ ଦେଇଥାଏ। ଏଥିରେ ୨.୧ kWh ଲିଥିୟମ୍-ଆୟନ ବ୍ୟାଟେରୀ ପ୍ୟାକ୍ ଅଛି। କମ୍ପାନୀ କହିଛି ଯେ ୮୫୦ ୱାଟର ସ୍ମାର୍ଟ ଚାର୍ଜର ବ୍ୟବହାର କରି ବ୍ୟାଟେରୀକୁ ୨.୫ ଘଣ୍ଟାରେ ୦-୮୦ ପ୍ରତିଶତରୁ ଚାର୍ଜ କରାଯାଇପାରିବ।
HOP ଲିଓରେ ଚାରୋଟି ରାଇଡିଂ ମୋଡ୍ ଦିଆଯାଇଥାଏ – ଇକୋ, ପାୱାର୍, ସ୍ପୋର୍ଟ ଏବଂ ରିଭର୍ସ । ଏହା ଉଭୟ ଆଗ ଏବଂ ପଛରେ ଡିସ୍କ ବ୍ରେକ୍ ଦିଆଯାଇଛି ।ଲିଓ ହାଇ ସ୍ପିଡ୍ ଇଲେକ୍ଟ୍ରିକ୍ ସ୍କୁଟରକୁ ୧୬୦ ମିଲିମିଟର ଗ୍ରାଉଣ୍ଡ କ୍ଲିୟରାନ୍ସ ଦିଆଯାଇଛି, ଯାହାଫଳରେ କଠିନ ରାସ୍ତାଗୁଡ଼ିକ ସୁରୁଖୁରୁରେ ଚାଲିପାରିବ। ଏହାର ଲୋଡିଂ କ୍ଷମତା ୧୬୦ କିଲୋଗ୍ରାମ । ସ୍କୁଟରଟି ପାଞ୍ଚଟି ରଙ୍ଗ ବିକଳ୍ପରେ ଉପଲବ୍ଧ – କଳା, ଧଳା, ଧୂସର, ନୀଳ ଏବଂ ନାଲି। କମ୍ପାନୀ ଏହି ସ୍କୁଟର ସହିତ ୩ ବର୍ଷର ୱାରେଣ୍ଟି ପ୍ରଦାନ କରୁଛି ।
