ଭୁବନେଶ୍ୱର , ୨୦/୦୩/୨୦୨୩ – ରେକର୍ଡ଼ ସ୍ତରରେ ପହଞ୍ଚିଛି ସୁନା ଦର । ଗୁରୁବାର ଗୋଟିଏ ଦିନରେ ସୁନା ମୂଲ୍ୟ ୧୪୫୧ ଟଙ୍କା ବୃଦ୍ଧି ପାଇ ୬୧, ୪୬୧ ଟଙ୍କାରେ ପହଞ୍ଚିଛି । ସୁନା ଇତିହାସରେ ଏହା ପ୍ରଥମ ଥର ବୋଲି ଅର୍ଥନୈତିକ ବିଶେଷଜ୍ଞ କହିଛନ୍ତି । ଆମେରିକାରେ ବ୍ୟାଙ୍କଗୁଡିକ ବୁଡ଼ିଯିବା କାରଣରୁ ସୁନା ଦର ଆକାଶଛୁଆଁ ହେଉଛି ।
ସେହିପରି ରୂପା ମଧ୍ୟ ୧୪୭୭ ଟଙ୍କା ବୃଦ୍ଧି ପାଇ ଆଜି ୬୮୨୫୦ ଟଙ୍କାରେ ପହଞ୍ଚିଛି । ଏହି ହାରଗୁଡିକ IBJA ଦ୍ୱାରା ଜାରି କରାଯାଇଛି । ଏହା ଉପରେ GST ଲାଗି ନାହିଁ । ସୁନା ଆଜି ବୁଲିଅନ୍ ବଜାରରେ ୫୯, ୬୭୧ ର ଏକ ନୂତନ ରେକର୍ଡ ସହିତ ଖୋଲିଛି, ଯାହା ଫେବୃଆରୀ ୨ ରେ ୧୦ ଗ୍ରାମ ପିଛା ୫୮ ୮୮୨ ଟଙ୍କା ରହିଥିଲା । ମଲ୍ଟି କମୋଡିଟି ଏକ୍ସଚେଞ୍ଜରେ ସୁନା ଆଜି ଆଉ ଏକ ନୂଆ ଇତିହାସ ସୃଷ୍ଟି କରୁଛି । ସୁନା ଆଜି ଏହାର ନୂତନ ସର୍ବକାଳୀନ ଉଚ୍ଚତାକୁ ୧୦ ଗ୍ରାମ ପିଛା ୫୯,୪୬୧ ଟଙ୍କା ଭାଙ୍ଗି ଶୁକ୍ରବାର ଦିନ ୫୯୭୯୫ ଟଙ୍କାରେ ପହଞ୍ଚିଛି।
