ହଲିଉଡ୍ ଫିଲ୍ମରେ ଡେବ୍ୟୁ କରିବେ ଭାଇଜାନ

ମୁମ୍ବାଇ : ବଲିଉଡ୍ ସୁପରଷ୍ଟାର୍ ସଲମାନ ଖାନ ଏବେ ତାଙ୍କର ଆଗାମୀ ଫିଲ୍ମ ‘ସିକନ୍ଦର’ ପାଇଁ ଚର୍ଚ୍ଚାରେ ଅଛନ୍ତି। ବର୍ତ୍ତମାନ ପର୍ଯ୍ୟନ୍ତ ଫିଲ୍ମକୁ ନେଇ ଅନେକ ପୋଷ୍ଟର ସାମ୍ନାକୁ ଆସିଛି। କିଛି ଦିନ ପୂର୍ବରୁ, ‘ସିକନ୍ଦର’ର ଟିଜର ମଧ୍ୟ ମୁକ୍ତିଲାଭ କରିଥିଲା, ଯାହାକୁ ଲୋକମାନେ ବହୁତ ପସନ୍ଦ କରିଛନ୍ତି। କିନ୍ତୁ ଏହାରି ଭିତରେ ଏବେ ଖବର ଆସୁଛି ସଲମାନ ଖାନ ଖୁବ ଶୀଘ୍ର ହଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି। ଆଜିକାଲି ସେ ସାଉଦି ଆରବରେ ଅଛନ୍ତି, ଯେଉଁଠାରେ ସେ ତାଙ୍କ ପ୍ରୋଜେକ୍ଟ ପାଇଁ ଶୁଟିଂ କରୁଛନ୍ତି। ଏହାରି ଭିତରେ ହଲିଉଡ୍ ଫିଲ୍ମର ସେଟ୍ରୁ ସଲମାନ ଖାନଙ୍କ ଏକ ଭିଡିଓ ଭାଇରାଲ୍ ହେବାରେ ଲାଗିଛି।
ଲିକ୍ ହୋଇଥିବା ଭିଡିଓରେ ଦେଖିବାକୁ ମିଳେ ଯେ ସଲମାନ ଖାନ ଡ୍ରାଇଭରର ଖାକି ୟୁନିଫର୍ମରେ ଅଛନ୍ତି। ସେ ଏକ ଅଟୋ-ରିକ୍ସା ନିକଟରେ ଠିଆ ହୋଇଛନ୍ତି। ତେବେ ସଲମାନଙ୍କ ଏହି ଫିଲ୍ମ ବିଷୟରେ ଏପର୍ଯ୍ୟନ୍ତ ଅଧିକ ସୂଚନା ସାମ୍ନାକୁ ଆସି ନାହିଁ। କିନ୍ତୁ କୁହାଯାଉଛି ଯେ ସେ ଏହି ସିନେମାରେ ଏକ କେମିଓ କରିବେ। ଗୋପନୀୟ ଚୁକ୍ତିନାମା ହେତୁ ଫିଲ୍ମର ସବିଶେଷ ତଥ୍ୟକୁ ଗୁପ୍ତ ରଖାଯାଇଛି, କିନ୍ତୁ ସୂତ୍ର ଅନୁଯାୟୀ ଏହା ଏକ ଆମେରିକୀୟ ଥ୍ରୀଲର ଫିଲ୍ମ, ଯେଉଁଥିରେ ସଲମାନ ଖାନଙ୍କ ସହ ସଞ୍ଜୟ ଦତ୍ତଙ୍କୁ ମଧ୍ୟ ଦେଖିବାକୁ ମିଳିବ। ରବିବାର ସକାଳେ ସଲମାନ ଖାନଙ୍କ ଟିମ୍ ରିୟାଦରେ ପହଞ୍ଚିବା ପରେ ତିନି ଦିନିଆ ଶୁଟିଂ ଆରମ୍ଭ ହୋଇଛି।