ମୟୂରଭଞ୍ଜ : ଶିମିଳିପାଳ ବ୍ୟାଘ୍ର ସଂରକ୍ଷଣକୁ ଜାତୀୟ ଉଦ୍ୟାନ ଘୋଷଣା । ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଏବଂ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ଏହି ସମ୍ପର୍କରେ ସୂଚନା ଦିଆଯାଇଛି । ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ୨,୩୦୬.୬୧ ବର୍ଗ କିଲୋମିଟର ଅଞ୍ଚଳରେ ବିସ୍ତାରିତ। ଏଥିମଧ୍ୟରୁ ୮୪୫.୭୦ ବର୍ଗ କିଲୋମିଟର ଅଞ୍ଚଳକୁ ଜାତୀୟ ଉଦ୍ୟାନ ଭାବରେ ଘୋଷଣା କରାଯାଇଛି।
Similipal has been officially declared as National Park today, marking a landmark achievement in Odisha’s conservation efforts and reaffirming the state’s commitment to preserving its rich biodiversity and natural heritage. pic.twitter.com/ICWyjLagsN
— Odisha Forest, Env. and Climate Change Department (@ForestDeptt) April 24, 2025
ମାନଦଣ୍ଡ ଅନୁଯାୟୀ, ଜାତୀୟ ଉଦ୍ୟାନ ସମ୍ପୂର୍ଣ୍ଣ ଅକ୍ଷୁର୍ଣ୍ଣ ଏବଂ ମଣିଷ ବାସସ୍ଥାନ ଏବଂ ଗୃହପାଳିତ ପଶୁଙ୍କ ଗତିବିଧିରୁ ମୁକ୍ତ ହେବା ଆବଶ୍ୟକ। ୧,୧୯୪.୭୫ ବର୍ଗ କିଲୋମିଟର ଅଞ୍ଚଳରେ ବିସ୍ତାରିତ ଶିମିଳିପାଳର ମୂଳ ଅଞ୍ଚଳ ୬ଟି ଗ୍ରାମ ଥିଲା। ମୟୂରଭଞ୍ଜର ପ୍ରଶାସନ ଗ୍ରାମଗୁଡ଼ିକୁ ସ୍ଥାନାନ୍ତରିତ କରି ୮୪୫.୭୦ ବର୍ଗ କିଲୋମିଟର ଅଞ୍ଚଳକୁ ମାନବ ବାସସ୍ଥାନରୁ ମୁକ୍ତ ଘୋଷଣା କରିଛି।
ଅଲ୍ ଓଡ଼ିଶା ଟାଇଗର ଏଷ୍ଟିମେସନ୍ ୨୦୨୩-୨୪ ଅନୁଯାୟୀ, ଶିମିଳିପାଳରେ ୨୭ଟି ବୟସ୍କ ବାଘ ରହିଛନ୍ତି । ଏଥିମଧ୍ୟରେ ୧୪ଟି ବାଘୁଣୀ ,୧୩ଟି ବାଘ ଏବଂ ୮ଟି ଛୁଆ ଅଛନ୍ତି। ଶିମିଳିପାଳ ହେଉଛି ଓଡ଼ିଶାର ଦ୍ୱିତୀୟ ଏବଂ ଭାରତରେ ୧୦୭ତମ ଜାତୀୟ ଉଦ୍ୟାନ। କେନ୍ଦ୍ରାପଡ଼ା ଜିଲ୍ଲାର ଭିତରକନିକାକୁ ୧୯୯୮ ମସିହାରେ ଜାତୀୟ ଉଦ୍ୟାନ ଭାବରେ ଘୋଷଣା କରାଯାଇଥିଲା । ଏହାପରେ ଶିମିଳିପାଳ ହେଉଛି ଓଡ଼ିଶାର ଦ୍ୱିତୀୟ ଜାତୀୟ ଉଦ୍ୟାନ । ଶିମିଳିପାଳ ଏହାର ମେଲାନିଷ୍ଟିକ୍ ବା କଳା ବାଘ ସଂଖ୍ୟା ପାଇଁ ସାରା ବିଶ୍ୱରେ ଜଣାଶୁଣା । ରାଜ୍ୟ ସରକାରଙ୍କ ତରଫରୁ ଏହି ଘୋଷଣା ହେବା ପରେ ପ୍ରକୃତି ପ୍ରେମୀ ଏବଂ ପର୍ଯ୍ୟଟକଙ୍କ ମଧ୍ୟରେ ଖୁସିର ଲହରି ଖେଳିଯାଇଛି ।
