ଉତ୍ତରପ୍ରଦେଶ ୪/ଅଗଷ୍ଟ : ଭାରତ-ଚାଇନା ସୀମା ଉତ୍ତେଜନା ବିଷୟରେ ରାହୁଲ ଗାନ୍ଧୀଙ୍କ ବିବାଦୀୟ ମନ୍ତବ୍ୟ ପ୍ରସଙ୍ଗରେ ସୁପ୍ରିମକୋର୍ଟ ସ୍ପଷ୍ଟ ଭାବେ ତାଙ୍କୁ ଭର୍ତ୍ସନା କରିଛି। ରାହୁଲ ଗାନ୍ଧୀ ୨୦୨୨ରେ ଭାରତ ଯୋଡୋ ଯାତ୍ରା ସମୟରେ ଏକ ସଭାରେ କହିଥିଲେ ଯେ, “ଚାଇନା ଭାରତୀୟ ସୈନିକଙ୍କୁ ମାରୁଛି ଓ ୨୦୦୦ ବର୍ଗ କି.ମି. ଭୂମି ଦଖଲ କରିଛି”। ଏହି ବୟାନକୁ ନେଇ ବର୍ଡର ରୋଡ ଅର୍ଗାନାଇଜେସନର ପୂର୍ବ ନିର୍ଦ୍ଦେଶକ ଉଦୟ ଶଙ୍କର ଶ୍ରୀବାସ୍ତବ ତାଙ୍କ ବିରୁଦ୍ଧରେ ମାନହାନି ମାମଲା ଦାୟର କରିଥିଲେ। ଏହି ମାମଲାକୁ ରଦ୍ଦ କରିବା ପାଇଁ ସୁପ୍ରିମକୋର୍ଟରେ ଆବେଦନ କରିଥିବା ରାହୁଲଙ୍କୁ ବିଚାରପତି ଦୀପଙ୍କର ଦତ୍ତା ଓ ବିଚାରପତି ଅଗଷ୍ଟିନ ଜର୍ଜ ମାସିହଙ୍କ ଦ୍ୱିତୀୟ ବେଞ୍ଚ ଭର୍ତ୍ସନା କରି କହିଛନ୍ତି, “ଏପରି ଅପ୍ରମାଣିତ ମନ୍ତବ୍ୟ କିପରି ଦେଖାଯାଏ? ଆପଣ ସେଠାରେ ଥିଲେ କି? କଣ ପ୍ରମାଣ ଅଛି?”ଯଦିଓ ସୁପ୍ରିମକୋର୍ଟ ଏହି ମାମଲାକୁ ରଦ୍ଦ କରି ନାହିଁ, ତଥାପି ଲକ୍ଷ୍ନୌ ରେ ଚାଲିଥିବା ମାନହାନି ମାମଲା ଉପରେ ସ୍ଥଗିତାଦେଶ ଜାରି କରିଛି। ଏହି ଘଟଣାରେ ସର୍ବୋଚ୍ଚ ନ୍ୟାୟାଳୟ ରାହୁଲଙ୍କୁ ଏକ ଦୃଢ଼ ସନ୍ଦେଶ ଦେଇଛି ଯେ, ଦେଶର ସ୍ୱାଭିମାନ ଓ ସେନାଙ୍କ ମନୋବଳ ସହ ଖେଳ ଚାଲିନଥିବା ଉଚିତ। ଏହି ମାମଲା ରାଜନୈତିକ ଦଳମାନଙ୍କୁ ମତ ମତାନ୍ତର ଦେବାର ସ୍ୱାଧୀନତା ସହିତ ଦାୟିତ୍ୱ ଅନୁସାରେ କଥାବାର୍ତ୍ତା ରଖିବାର ଆବଶ୍ୟକତା ଉପରେ ଜୋର ଦେଇଛି।
