ଭୁବନେଶ୍ୱର: ସମସ୍ତେ ବଲିଉଡର ମେଗା ସୁପରଷ୍ଟାର ଶାହରୁଖ ଖାନଙ୍କ ଶକ୍ତିଶାଳୀ ଅଭିନୟର ପ୍ରଶଂସକ ଅଟନ୍ତି। ଶାହାରୁଖଙ୍କ ପ୍ରଶଂସକ ଭାରତ ତଥା ବିଦେଶରେ ମଧ୍ୟ ରହିଛନ୍ତି । ଯଦି ଆମେ ଇଣ୍ଡଷ୍ଟ୍ରିର ଟପ୍ ସୁପରଷ୍ଟାରମାନଙ୍କ ବିଷୟରେ କହିବା, ତେବେ କିଙ୍ଗ୍ ଖାନଙ୍କ ନାମ ଶୀର୍ଷରେ ରହିଛି। ଅଭିନୟ ସହିତ ଶାହାରୁଖ ରୋଜଗାର କ୍ଷେତ୍ରରେ ମଧ୍ୟ କିଙ୍ଗ ବୋଲି ପ୍ରମାଣ କରି ଦେଖାଇଛନ୍ତି । ଏଭଳି ପରିସ୍ଥିତିରେ ବର୍ତ୍ତମାନ ଖବର ଆସୁଛି ଯେ ଶାହାରୁଖ ଖାନ ଦୁନିଆର ସବୁଠାରୁ ଧନୀ ଅଭିନେତା ତାଲିକାରେ ଶ୍ରେଷ୍ଠ ୫ ଜଣଙ୍କ ମଧ୍ୟରୁ ଜଣେ ହୋଇଛନ୍ତି। ଶାହରୁଖ ଓଲିଉଡର ଅନେକ ଭେଟେରାନ ସେଲିବ୍ରେଟଙ୍କୁ ପଛରେ ପକେଇଦେଇଛନ୍ତି।
ବିଶ୍ୱ ପରିସଂଖ୍ୟାନ (World of Statistics) ଏହାର ଅଫିସିଆଲ୍ ଟ୍ୱିଟର ହ୍ୟାଣ୍ଡେଲରେ ଦୁନିଆର ୮ ଧନୀ ଅଭିନେତାଙ୍କ ତାଲିକା ସେୟାର କରିଛି। ଏହି ତାଲିକା ଅନୁଯାୟୀ, ଶାହରୁଖ ଖାନ ହିନ୍ଦୀ ସିନେମାର ଏକମାତ୍ର କଳାକାର ଯିଏ ଏହି ତାଲିକାରେ ଚତୁର୍ଥ ନମ୍ବର ଦଖଲ କରିଛନ୍ତି। ଏହି ଟୁଇଟର ସୂଚନା ଅନୁଯାୟୀ, ଶାହାରୁଖଙ୍କ ମୋଟ ସମ୍ପତ୍ତି ମୂଲ୍ୟ ୭୭୦ ନିୟୁତ ଡଲାର, ଯାହାର ମୂଲ୍ୟ ଭାରତୀୟ ଟଙ୍କା ଅନୁଯାୟୀ ୬ ହଜାର ୩୦୦ କୋଟିରୁ ଅଧିକ ହେବ।
ଦୁନିଆର ସବୁଠାରୁ ଧନୀ ଅଭିନେତା ମାମଲାରେ ଶାହରୁଖ ଖାନ ହଲିଉଡର କିମ୍ବଦନ୍ତୀ ଟମ କ୍ରୁଜଙ୍କୁ ୬୨୦ ମିଲିୟନ ଡଲାର (୫୦୯୦ କୋଟି), ଜ୍ୟାକି ଖାନ ୫୨୦ ମିଲିୟନ ଡଲାର (୪୨୦୦ କୋଟି), ଜର୍ଜ କ୍ଲୁନି ୫୦୦ ମିଲିୟନ ଡଲାର (୪୧୦୦ କୋଟି) ଏବଂ ରୋବର୍ଟ ଡି ନିରୋଙ୍କୁ ପଛରେ ପକେଇଦେଇଛନ୍ତି। କିଙ୍ଗ ଖାନଙ୍କ ଆଗରେ ରହିଛନ୍ତି ଅଭିନେତା ଜେରୀ ସେନଫେଲ୍ଡ ୧ ବିଲିୟନ ଡଲାର (୮୨୦୦ କୋଟି), ଟାଇଲର ପେରି ୧ ବିଲିୟନ ଡଲାର (୮୨୦୦ କୋଟି) ଏବଂ ଡୱେନ ଜନସନ ୮୦୦ ମିଲିୟନ ଡଲାର (୬୫୦୦ କୋଟି)।
