ଫୁଲବାଣୀ: ଶୁକ୍ରବାର ଦିନିକିଆ କନ୍ଧମାଳ ଗସ୍ତରେ ଆସିଥିଲେ ସିଆରପିଏଫ ଏଡିଜି ନିତିନ ଅଗ୍ରୱାଲ । ପହଞ୍ଚିବା ପରେ ଏଡିଜି ଅଗ୍ରୱାଲଙ୍କୁ ସିଆରପିଏଫ ପକ୍ଷରୁ ବିପୁଳ ସ୍ଵାଗତ ସମ୍ବର୍ଦ୍ଧନା ଦିଆଯାଇଥିଲା । ଏକ ସ୍ୱତନ୍ତ୍ର ହେଲିକପ୍ଟରରେ ସିଆରପିଏଫ ଏଡିଜି ଅଗ୍ରୱାଲ ଫୁଲବାଣୀର ମାଦିକୁନ୍ଦା ସ୍ଥିତ ପୋଲିସ ବ୍ୟାରେକ ହେଲିପ୍ୟାଡ଼ରେ ଓଲାଇଥିଲେ।
ସେଠାରୁ ଗୋଛପଡ଼ା ରେ ଥିବା ୧୨୭ ନମ୍ବର ସିଆରପିଏଫ କ୍ୟାମ୍ପକୁ ଯାଇ ଯବାନମାନଙ୍କୁ ଭେଟି ଆଲୋଚନା କରିଥିଲେ । ସେଠାରେ ଅୟୋଜିତ ବୈଠକରେ ଯୋଗଦେଇ ମାଓ ଗତିବିଧି ଉପରେ ସମୀକ୍ଷା କରିଥିଲେ । ଜିଲାରେ ମାଓ ଦମନ କ୍ଷେତ୍ରରେ ସିଆରପିଏଫ ଯବାନ ମାନଙ୍କ ଉଲ୍ଲେଖନୀୟ ଭୂମିକାକୁ ଭୁୟସୀ ପ୍ରଶଂସା କରିଥିଲେ ।
ଅତିରିକ୍ତ ଏଡିଜିଙ୍କ ଗସ୍ତ ଫଳରେ ଜିଲାରେ ସିଆରପିଏଫ ଯବାନମାନଙ୍କ ମନୋବଳ ବୃଦ୍ଧିପାଇବ ବୋଲି କୁହାଯାଉଛି । ଏଡିଜିଙ୍କ ସହ ବହୁ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ । ମାଓ ଅଂଚଳରେ ଏଡିଜି ଙ୍କ ଗସ୍ତକୁ ନେଇ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା ।
