ସିଡ୍ନି: ପ୍ରାଚୀନ ସଂସ୍କୃତିର ଇତିହାସକୁ ସମ୍ମାନ ଓ ସ୍ମରଣ କରିବା ନିମନ୍ତେ ୫ ଡଲାର୍ ଅଷ୍ଟ୍ରେଲୀୟ ବ୍ୟାଙ୍କ୍ ନୋଟ୍ରେ ଥିବା ରାଣୀ ଦ୍ବିତୀୟ ଏଲିଜାବେଥ୍ଙ୍କ ପ୍ରତିକୃତି ହଟାଇ ଦିଆଯିବ ବୋଲି ଆଜି ଅଷ୍ଟ୍ରେଲିଆର ରିଜର୍ଭ ବ୍ୟାଙ୍କ୍ କହିଛି।
ଏହି ପରିବର୍ତ୍ତନକୁ ସମର୍ଥନ କରୁଥିବା କେନ୍ଦ୍ର ସରକାରଙ୍କ ସହିତ ପରାମର୍ଶ କରି ଉପରୋକ୍ତ ନିଷ୍ପତ୍ତି ଗ୍ରହଣ କରାଯାଇଥିବା କଥା ଏକ ବିବୃତିରେ ଅଷ୍ଟ୍ରେଲିଆର ରିଜର୍ଭ ବ୍ୟାଙ୍କ୍ କହିଛି। ଉକ୍ତ ନୋଟ୍ର ଅପରପାର୍ଶ୍ବରେ ପୂର୍ବପରି ଅଷ୍ଟ୍ରେଲୀୟ ସଂସଦର ଫଟୋ ଛାପା ହେବ ବୋଲି ମଧ୍ୟ ରିଜର୍ଭ ବ୍ୟାଙ୍କ୍ କହିଛି।
