() ଭାରତ ସରକାରଙ୍କ ଚାପର ବଶବର୍ତ୍ତୀ ହୋଇ ଟ୍ୱିଟରରେ ଅନୁଗାମୀଙ୍କ ସଂଖ୍ୟା ହ୍ରାସ ପାଉଛି ବୋଲି ଟ୍ୱିଟର ବିରୋଧରେ ଅଭିଯୋଗ ଆଣିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ସେ ଦାବି କରିଛନ୍ତି ଯେ ତାଙ୍କ ଟ୍ୱିଟର ଅନୁଗାମୀଙ୍କ ସଂଖ୍ୟା କ୍ରମାଗତ ଭାବେ ହ୍ରାସ ପାଉଛି । ଗତ ପ୍ରାୟ ସାତ ମାସ ମଧ୍ୟରେ, ତାଙ୍କ ଅନୁଗାମୀମାନଙ୍କ ସଂଖ୍ୟା ପ୍ରାୟ ଚାରି ଲକ୍ଷ ବୃଦ୍ଧି ପାଇଥିଲା, କିନ୍ତୁ ଅଗଷ୍ଟ ୨୦୨୧ ପରଠାରୁ ହ୍ରାସ ପାଉଛି । ଏନେଇ ରାହୁଲ ଗାନ୍ଧୀ ମଧ୍ୟ ଟ୍ୱିଟରକୁ ଏକ ଚିଠି ଲେଖିଛନ୍ତି । ଯେଉଁଥିରେ କେନ୍ଦ୍ର ସରକାରଙ୍କ ଚାପରେ ଟ୍ୱିଟର କାର୍ଯ୍ୟ କରୁଛି ବୋଲି ସେ ଅଭିଯୋଗ କରିଛନ୍ତି । ରାହୁଲ ଗାନ୍ଧୀଙ୍କ ଚିଠିର ଉତ୍ତରରେ ଟ୍ୱିଟର କହିଛି ଯେ ରାହୁଲ୍ଙ୍କ ଆକାଉଣ୍ଟରେ କୌଣସି ହେର୍ଫେର୍ କରାଯାଇନାହିଁ। ତାଙ୍କ ଅନୁଗାମୀଙ୍କ ସଂଖ୍ୟା ଯଥାର୍ଥ ଏବଂ ସଠିକ୍ ଅଛି।
