ଶ୍ରୀନଗର: ଭୁଶୁଡ଼ିଲା ନିର୍ମାଣାଧୀନ ଟନେଲ । ଜାମ୍ମୁ-ଶ୍ରୀନଗର ହାଇଓ୍ବେର ମାକରକୋଟଠାରେ ନିର୍ମାଣ ଚାଲିଥିବା ଏକ ଟନେଲ ଭୁଶୁଡ଼ି ପଡ଼ିଥିବା ସୂଚନା ମିଳିଛି । ଗତକାଲି ରାତିରେ ଟନେଲଟି ଭୁଶୁଡ଼ି ପଡ଼ିଥିବା ବେଳେ ଏବେ ବି ଉଦ୍ଧାର କାର୍ଯ୍ୟ ଜାରି ରହିଛି । ଟି-୩ ସାଇଟରେ ନିର୍ମାଣ କାର୍ଯ୍ୟ ଚାଲିଥିବା ବେଳେ ସେଠାରେ ୧୦ଜଣରୁ ଅଧିକ ଶ୍ରମିକ କାର୍ଯ୍ୟ କରୁଥିଲେ ।
ସୂଚନା ଅନୁସାରେ, ୪୪ ନମ୍ବର ଜାତୀୟ ରାଜପଥର ଲ୍ୟାଣ୍ଡସାଇଡ ପ୍ରବଳ ଅଞ୍ଚଳରେ ବାଇ-ପାସ ନିର୍ମାଣ କାର୍ଯ୍ୟ ଚାଲିଥିଲା । ନିର୍ମାଣ କାର୍ଯ୍ୟରେ ନିୟୋଜିତ ୩ଜଣ ଶ୍ରମିକଙ୍କୁ ସୁରକ୍ଷିତ ଉଦ୍ଧାର କରାଯାଇଥିବା ବେଳେ ଅନ୍ୟମାନଙ୍କୁ ଉଦ୍ଧାର ପାଇଁ ଚେଷ୍ଟା ଜାରି ରହିଛି ବୋଲି ରାମବନ ଡେପୁଟି କମିସନର ସୂଚନା ଦେଇଛନ୍ତି ।
ଅନ୍ୟପଟେ, ପାହାଡ଼ରୁ ଲଗାତାର ପଥର ଧସୁଥିବାରୁ ଉଦ୍ଧାର କାର୍ଯ୍ୟ ବାଧାପ୍ରାପ୍ତ ହୋଇଛି । ଟନେଲ ଭିତରେ ଫସି ରହିଥିବା ଶ୍ରମିକଙ୍କ ମଧ୍ୟରୁ ଦୁଇ ଜଣ ନେପାଳର ହୋଇଥିବା ବେଳେ ଜଣେ ଆସାମ ଓ ଅନ୍ୟ ଦୁଇଜଣ ସ୍ଥାନୀୟ ଲୋକ ହୋଇଥିବା ସୂଚନା ମିଳିଛି । ଉଦ୍ଧାର ଶ୍ରମିକଙ୍କୁ ଜିଏମସି ଜାମ୍ମୁ ହସ୍ପିଟାଲରେ ଭର୍ତ୍ତି କରାଯାଇଛି ।
