ଭୁବନେଶ୍ୱର ,୦୩/୧୧/୨୦୨୨ – ଧାମନଗର ଉପନିର୍ବାଚନ ପାଇଁ ସମାପ୍ତ ହୋଇଛି ମତଦାନ । ଇଭିଏମରେ ସିଲ ହୋଇଛି ନେତାଙ୍କ ଭାଗ୍ୟ । ଏଥି ସହିତ ଧାମନଗର ନିଜର ନେତା ବାଛିବା ପକ୍ରିୟା ପୂର୍ଣ୍ଣ କରିଛି । ଶେଷ ସୂଚନା ମୁତାବକ ୬୬.୬୩ ପ୍ରତିଶତ ଭୋଟିଂ ହୋଇଛି । ଯେଉଁମାନେ ମତଦାନ କେନ୍ଦ୍ର ଭିତରେ ଏବେ ବି ରହିଛନ୍ତି ସେମାନେ ଭୋଟ ଦେଉଛନ୍ତି । ଭୋଟ ଦାନ ପକ୍ରିଯା ଯଦି ବା ସପାପ୍ତ ହୋଇଛି କିନ୍ତୁ ପ୍ରବେଶ କରିଥିବା ମତଦାତାଙ୍କ ଭୋଟ ଦେବା ପର୍ଯ୍ୟନ୍ତ ପକ୍ରିୟା ଜାରି ରହିବ । ୨୦୧୯ ସାଧାରଣ ନିର୍ବାଚନରେ ଧାମନଗର ନିର୍ବାଚନ ମଣ୍ଡଳୀରେ ୭୨.୦୧ ପ୍ରତିଶତ ଭୋଟିଂ ହୋଇଥିଲା । ଚଳିତଥର ଏହାଠୁ ଅଧିକ କିମ୍ବା ପାଖାପାଖି ଭୋଟିଂ ହେବ ବୋଲି ଆଶା କରାଯାଉଛି ବୋଲି କହିଛନ୍ତି ମୁଖ୍ୟ ନିର୍ବାଚନ ଅଧିକାରୀ ।
