ଭୁବନେଶ୍ୱର, ୨୭/୧୨/୨୦୨୨- IIT କାନପୁର ଏକ କୃତ୍ରିମ ହୃଦୟ ପ୍ରସ୍ତୁତ କରିଛି । ଯାହା ଗମ୍ଭୀର ହୃଦ୍ରୋଗ ଜନିତ ଲୋକଙ୍କ ପାଇଁ ବହୁତ ସାହାଯ୍ୟ କରିବ । IIT କାନପୁର ନିର୍ଦ୍ଦେଶକ ଅଭୟ କରାଣ୍ଡିକର କହିଛନ୍ତି ଯେ, ଆସନ୍ତା ବର୍ଷ ପଶୁମାନଙ୍କ ଉପରେ ଏହାର ପରୀକ୍ଷା ଆରମ୍ଭ ହେବ । କାନପୁର IIT ଏବଂ ଦେଶର ବିଭିନ୍ନ ସ୍ଥାନରୁ ହୃଦରୋଗ ବିଶେଷଜ୍ଞମାନେ ଏହି କୃତ୍ରିମ ହୃଦୟକୁ ବିକଶିତ କରିଛନ୍ତି ।
ଫେବୃଆରୀ କିମ୍ବା ମାର୍ଚ୍ଚରୁ ପଶୁମାନଙ୍କ ଉପରେ ପରୀକ୍ଷା ଆରମ୍ଭ ହେବ । ପରୀକ୍ଷଣରେ ସଫଳତା ମିଳିଲେ, ଆସନ୍ତା ଦୁଇ ବର୍ଷ ମଧ୍ୟରେ ମନୁଷ୍ୟଠାରେ ପ୍ରତିରୋପଣ କରା ଯାଇପାରିବ । 10 ଜଣ ବୈଜ୍ଞାନିକ ଏବଂ ଡାକ୍ତରଙ୍କ ଏକ ଟିମ୍ ଏହି କୃତ୍ରିମ ହୃଦୟ ପ୍ରସ୍ତୁତ କରିଛନ୍ତି । ଆଇଆଇଟି କାନପୁରର ସ୍କୁଲ ଅଫ୍ ମେଡିକାଲ ରିସର୍ଚ୍ଚ ଆଣ୍ଡ ଟେକ୍ନୋଲୋଜି (SMRT) ଦ୍ୱାରା ହୃଦଘାତ ରୋଗୀଙ୍କ ପାଇଁ ବାମ ଭେଣ୍ଟ୍ରିକୁଲାର ଆସିଷ୍ଟ ଡିଭାଇସ୍ (LVAD) ନାମକ ଉନ୍ନତ କୃତ୍ରିମ ହୃଦୟର ବିକାଶ ପାଇଁ ଏକ ଆହ୍ୱାନ ଆଧାରିତ କାର୍ଯ୍ୟକ୍ରମ । ଦେଶର ଅଗ୍ରଣୀ ଡାକ୍ତରଖାନାଗୁଡ଼ିକର ସହଯୋଗରେ ଏହି କାର୍ଯ୍ୟକ୍ରମ ଆରମ୍ଭ କରାଯାଇଛି ।
