ଭୁବନେଶ୍ୱର, ୦୭/୦୨/୨୦୨୩- ବାଲେଶ୍ୱର ଜିଲ୍ଲା ସୋର ବ୍ଲକରେ ବାରହା ଆକ୍ରମଣ । ମଙ୍ଗଳବାର ସକାଳେ କେଶରୀପୁର ଗ୍ରାମକୁ ଏକ ବଣୁଆ ବାରହା ଗ୍ରାମକୁ ପଶି ଆସି ଲୋକଙ୍କୁ ଅତର୍କିତ ଭାବେ ଆକ୍ରମଣ କରିଥିଲା । ଏଥିରେ ୮ ଜଣ ଆହତ ହୋଇଛନ୍ତି । ଆହତମାନେ ହେଲେ- ଗୌରାଙ୍ଗ ମଳିକ, ରାକେଶ ମଳିକ, ଗୟାଧର ମଳିକ, ଦିବାକର ମଳିକ ଏବଂ ସୁଶୀଳା ମଳିକ ।
ସମସ୍ତ ଆହତଙ୍କୁ ଉଦ୍ଧାର କରି ଗ୍ରାମବାସୀ ମାନେ 108 ଆମ୍ବୁଲାନ୍ସ ଯୋଗେ ସୋର ମେଡିକାଲରେ ଭର୍ତ୍ତି କରିଥିଲେ । ସେମାନଙ୍କ ମଧ୍ୟରୁ ରାକେଶ ଏବଂ ଗୟାଧରଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
