ଆପଣମାନେ ଦେଖିଥିବେ ଅନେକ ସମୟରେ ମାଙ୍କଡ ମାନେ ସେମାନଙ୍କର ଚମତ୍କାର ଚେହେରା ଏବଂ ଖେଳୁଆଡ଼ ପ୍ରକୃତି ପାଇଁ ଲୋକଙ୍କୁ ନିଜ ଆଡକୁ ଆକର୍ଷିତ କରନ୍ତିଥାନ୍ତି । ଏହି ମାଙ୍କଡ ମାନଙ୍କର ମଜାଦାର ଭିଡିଓ ଅନେକ ସମୟରେ ସୋସିଆଲ ମିଡିଆରେ ଭାଇରାଲ ହୋଇଥାଏ । ଯାହା ଲୋକମାନଙ୍କୁ ଆନନ୍ଦ ଦେଇଥାଏ ।
ସେହିପରି ଓରାଙ୍ଗ ଉଟାନ୍ ପ୍ରଜାତିର ମାଙ୍କଡ ମାନଙ୍କ ଭିଡିଓ ଅନେକ ସମୟରେ ଲୋକ ମାନଙ୍କ ନଜରକୁ ଆସିଥାଏ । ବର୍ତ୍ତମାନ ଏହି ଓରାଙ୍ଗ ଉଟାନ୍ ପ୍ରଜାତିର ମାଙ୍କଡର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭଲ ଭାବେ ଦେଖନ୍ତୁ ଏହି ଭିଡିଓକୁ କେମିତି ଜଣେ ମହିଳା ଏବଂ ମଙ୍କଡ ମଧ୍ୟରେ ଫଟୋ ଶୁଟ ଚାଲିଛି । ଏହି ଫଟୋଶୁଟ ସମୟର ଦୃଶ୍ୟ ହିଁ ପ୍ରମାଣ କରୁଛି ମଣିଷ ଏବଂ ଅନ୍ୟ ପ୍ରାଣୀମାନଙ୍କ ମଧ୍ୟରେ ଥିବା ବିଶ୍ୱାସର ନିବିଡ ସମ୍ପର୍କକୁ । କେମିତି କ୍ୟାମେରା ଅନ ହେଉ ହେଉ ଓରାଙ୍ଗ ଉଟାନ୍ ପ୍ରଜାତିର ମାଙ୍କଡଟି ମହିଳାଙ୍କ ସହ ବିଭିନ୍ନ ପୋଜ ଦେଇ ଫଟୋସୁଟ କରୁଛି । ଏହି ଭିଡିଓରେ ମାଙ୍କଡର କାର୍ଯ୍ୟକଳାପ ଖୁବ୍ ସାଧାରଣ ଓ ମଣିଷ ଭଳି ।
କେତେବେଳେ ମାଙ୍କଡଟି ମହିଳାଙ୍କ ବାହୁକୁ ଘୋଡାଇ ଦେଉଛି ତ ଆଉ କେତେବେଳେ ତାଙ୍କୁ କୋମଳତାର ସହ ଆଲିଙ୍ଗନ କରୁଛି । ଖାଲି ଏତିକି ନୁହେଁ ମାଙ୍କଡଟି ମହିଳାଙ୍କ ଗାଲକୁ ମଧ୍ୟ ଚୁମ୍ବନ ଦେଉଛି । ଆଉ ଏହା ହିଁ ଦର୍ଶାଉଛି ଉଭୟଙ୍କ ଭିତରେ ଥିବା ଗଭୀର ସ୍ନେହ ଏବଂ ବିଶ୍ୱାସକୁ । ମହିଳା ଏବଂ ମାଙ୍କଡଙ୍କ ମଧ୍ୟରେ ଥିବା ଏହି ସୁନ୍ଦର ମୂହୁର୍ତ୍ତକୁ କ୍ୟାମେରାରେ କଏଦ କରାଯାଉଛି ।
ମହିଳା ଜଣକ ନିଜ ଇନଷ୍ଟାଗ୍ରାମରେ ଏହି ଭିଡିଓ ପୋଷ୍ଟ କରିଥିବାବେଳେ ୧୦ ହଜାରରୁ ଅଧିକ ଲୋକ ଏହାକୁ ଦେଖି ସାରିଲେଣି । ସେହିପରି ୟୁଜର୍ସ ମାନେ ଏହି ଭିଡିଓରେ ଅନେକ କମେଂଟ ମଧ୍ୟ କରିଛନ୍ତି । ଜଣେ ପ୍ରତିକ୍ରିୟାରେ ଏହି ଦୃଶ୍ୟକୁ ଅବିଶ୍ୱାସନୀୟ, ଆକର୍ଷଣୀୟ ଏବଂ ହୃଦୟ ସ୍ପର୍ଶୀ ବୋଲି କହିଥିବା ବେଳେ କେତେକ ଏହାକୁ ମନୋରଞ୍ଜନ ପାଇଁ ଅନ୍ୟ ପ୍ରାଣୀକୁ ନିର୍ଯାତନା ବୋଲି କହିଛନ୍ତି । ଜଣେ ଲେଖିଛନ୍ତି ଏହା କୌତୁକିଆ ନୁହେଁ, ଏମିତି କରିବା ପାଇଁ ପ୍ରାଣୀମାନଙ୍କୁ ନିର୍ଯାତନା ଦିଆଯିବା ସହ ସେମାମନଙ୍କୁ ବନ୍ଦି କରି ରଖାଯାଉଛି ।
