ପୁରୀ: ବାଲୁକା କଳାରେ ମୋଦିଙ୍କୁ ୱେଲକମ୍ । ପ୍ରସିଦ୍ଧ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ଶୁକ୍ରବାର ଦିନ ଓଡ଼ିଶା ଗସ୍ତ ପୂର୍ବରୁ ତାଙ୍କୁ ସ୍ୱାଗତ କରିବା ପାଇଁ ପୁରୀ ବିଚରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଏକ ବାଲୁକା ମୂର୍ତ୍ତି ନିର୍ମାଣ କରିଛନ୍ତି।
ବାଲିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଗୃହମନ୍ତ୍ରୀ ଅମିତ ଶାହଙ୍କ ଚିତ୍ର, ଓଡ଼ିଶାର ସଂସ୍କୃତି ଐତିହ୍ୟ ଦ୍ୱାରା ତାଙ୍କୁ ସ୍ୱାଗତ ଜଣାଇଛନ୍ତି ସୁଦର୍ଶନ । ଯେଉଁଥିରେ ଲେଖା ହୋଇଛି ଓଡ଼ିଶାକୁ ସ୍ୱାଗତ । ତେବେ ଏହି ବାଲୁକା କଳା ପର୍ଯ୍ୟଟକଙ୍କୁ ଆକୃଷ୍ଟ କରିଛି । ଓଡ଼ିଶାରେ ହେବାକୁ ଯାଉଥିବା ଡିଜିପି ସମ୍ମିଳନୀ ପାଇଁ ୩ ଦିନିଆ ଓଡ଼ିଶା ଗସ୍ତରେ ଆସୁଛନ୍ତି ପ୍ରଧାନମନ୍ତ୍ରୀ ।
