ନୂଆଦିଲ୍ଲୀ ୨୩/ ଜୁଲାଇ : ପୁରୀ ଜିଲ୍ଲାର ବଳଙ୍ଗା ଅଞ୍ଚଳର ନାବାଳିକା ପୀଡ଼ିତାଙ୍କୁ ଦିଲ୍ଲୀ ଏମ୍ସ ରେ ଭେଟିଲେ ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା। ସେ ଡାକ୍ତରୀ ଦଳ ଓ ପରିବାର ସଦସ୍ୟମାନଙ୍କ ସହ କଥା ହୋଇ, ଚିକିତ୍ସା ପ୍ରକ୍ରିୟା ଓ ଆଗାମୀ କାର୍ଯ୍ୟଯୋଜନା ବିଷୟରେ ଅନ୍ତର୍ଦୃଷ୍ଟି ନେଲେ। ଶ୍ରୀମତୀ ପରିଡ଼ା ସ୍ପଷ୍ଟ କରିଛନ୍ତି ଯେ ରାଜ୍ୟ ସରକାର ପୂର୍ଣ୍ଣ ଭାବରେ ପୀଡ଼ିତାଙ୍କ ସହ ଅଛି ଏବଂ ଆବଶ୍ୟକ ସମସ୍ତ ସହଯୋଗ ଯୋଗାଇ ଦିଆଯିବ। ସାମାଜିକ ମାଧ୍ୟମ ମାଧ୍ୟମରେ ଏହି ଗସ୍ତ ସମ୍ପର୍କରେ ସୂଚନା ଦେଇ ଉପମୁଖ୍ୟମନ୍ତ୍ରୀ ଲେଖିଛନ୍ତି, “ବଳଙ୍ଗାର ନାବାଳିକା ପୀଡ଼ିତାଙ୍କୁ ଭେଟି ତାଙ୍କ ଅବସ୍ଥା ନେଇ ଜାଣିଲି। ତାଙ୍କ ଶୀଘ୍ର ସୁସ୍ଥତା ପାଇଁ ମହାପ୍ରଭୁ ଜଗନ୍ନାଥଙ୍କୁ ପ୍ରାର୍ଥନା କରେ।” ଏହି ଦୁଃଖଦ ଘଟଣା ପରେ ରାଜ୍ୟ ସରକାର ସତର୍କ ଅଟନ୍ତି ଏବଂ ଚିକିତ୍ସା ରେ ଗଞ୍ଜା ନ ହେଉ ବୋଲି ଚେଷ୍ଟା ହେଉଛି। ଏହି ଘଟଣା ଉପରେ ଦେଶର ଦ୍ୟାନ ଆକୃଷ୍ଟ ହୋଇଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଏମ୍ସ ଦିଲ୍ଲୀରେ ପୀଡ଼ିତାଙ୍କୁ ଭେଟି ତାଙ୍କ ପରିବାର ସହ ସମ୍ପର୍କ କରି ସ୍ୱାସ୍ଥ୍ୟ ଅବସ୍ଥା ନେଇ ଜାଣିଛନ୍ତି। ସମ୍ପୂର୍ଣ୍ଣ ଘଟଣା ଉପରେ ଗଭୀର ଦୁଃଖ ପ୍ରକାଶ କରି ସେ ନାବାଳିକାଙ୍କ ଶୀଘ୍ର ସୁସ୍ଥତା ପାଇଁ ମହାପ୍ରଭୁଙ୍କୁ ପ୍ରାର୍ଥନା କରିଛନ୍ତି। ଏହି ଘଟଣା ମାନବିକତା ଓ ସମାଜିକ ସୁରକ୍ଷା ଉପରେ ପ୍ରଶ୍ନ ଉଠାଇଛି।
