ଭୁବନେଶ୍ୱର ,ଟିମ୍ ଇଣ୍ଡିଆର ମୁଖ୍ୟ ପ୍ରଶିକ୍ଷକ ଗୌତମ ଗମ୍ଭୀର ସମାଲୋଚନାର ଶିକାର ହୋଇଛନ୍ତି। ତାଙ୍କୁ ଟେଷ୍ଟ ଦଳର ପ୍ରଶିକ୍ଷକ ପଦରୁ ହଟାଇବା ପାଇଁ ଲଗାତାର ଦାବି ହୋଇଆସୁଛି।ଦକ୍ଷିଣ ଆଫ୍ରିକା ବିପକ୍ଷରେ ଦିନିକିଆ ସିରିଜରେ ଟିମ୍ ଇଣ୍ଡିଆର ବିଜୟ ପରେ, ଗମ୍ଭୀର ଏକ IPL ଫ୍ରାଞ୍ଚାଇଜର ମାଲିକଙ୍କ ଉପରେ ନିଜର କ୍ରୋଧ ପ୍ରକାଶ କରିଥିଲେ।
ଦଳର ବିଜୟ ପରେ, ପ୍ରଶିକ୍ଷକ ଗୌତମ ଗମ୍ଭୀର ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ ଯେଉଁଠାରେ ତାଙ୍କୁ ଅନେକ ପ୍ରଶ୍ନ ପଚରାଯାଇଥିଲା, କିନ୍ତୁ ଗୋଟିଏ ପ୍ରଶ୍ନର ଉତ୍ତରରେ ତାଙ୍କର କ୍ରୋଧ ସ୍ପଷ୍ଟ ଭାବରେ ବାରି ହେଇଥିଲା ।
ଟେଷ୍ଟ ସିରିଜ ପରାଜୟ ପରେ ଗମ୍ଭୀରଙ୍କୁ ସମାଲୋଚନାର ସମ୍ମୁଖୀନ ହେବାକୁ ପଡ଼ିଥିବା ବିଷୟରେ ସାମ୍ବାଦିକ ସମ୍ମିଳନୀରେ ପ୍ରଶ୍ନ କରାଯାଇଥିଲା। ସେ କହିଥିଲେ, “ଲୋକ ଏବଂ ଗଣମାଧ୍ୟମ ଭୁଲିଗଲେ ଯେ ପ୍ରଥମ ଟେଷ୍ଟରେ ଆମର ଅଧିନାୟକ ଏବଂ ଶ୍ରେଷ୍ଠ ବ୍ୟାଟସମ୍ୟାନ୍ ଉଭୟ ଇନିଂସରେ ବ୍ୟାଟିଂ କରିନଥିଲେ। ଲୋକମାନେ ଏପରି କଥା ମଧ୍ୟ କହିଥିଲେ ଯାହାର କ୍ରିକେଟ୍ ସହିତ କୌଣସି ସମ୍ପର୍କ ନାହିଁ।
