ଭୁବନେଶ୍ବର: ଗୋଟିଏ ହ୍ଵିସିଲରେ ଭାଙ୍ଗିଯିବ ବିଜେଡ଼ି । ଏଭଳି କହିଛନ୍ତି ବିଜେପି ବିଧାୟକ ଜୟନାରାୟଣ ମିଶ୍ର । ସେ ଆହୁରି କହିଛନ୍ତି କି, ୧୪୦ ନୁହେଁ ଆଗ ୪୦ ସିଟ ଜିତିକି ଦେଖାନ୍ତୁ । ଆମ ଦଳ ଭାଙ୍ଗୁନି । ବିଜେଡ଼ି ଭାଙ୍ଗୁଛି । ଏକ ପ୍ରେସ ମିଟରେ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲିକ ବିଜେଡ଼ିର ବାହାବା କରିବା ସହ ବିଜେପିକୁ ଟାର୍ଗେଟ କରିଥିଲେ ।
ସେ କହିଥିଲେ, ଜନତା ଦଳ ଆଜି ମଧ୍ୟ ଲୋକଙ୍କ ହୃଦୟରେ ଅଛି l ଦଳ ଆଜି ମଧ୍ୟ ଏକ ନମ୍ବର । ଆଜି ଯଦି ନିର୍ବାଚନ ହୁଏ ତେବେ ଦଳ ୧୪୦ ସିଟ୍ ଜିତିବ ବିଜେଡି । ସେ ଆହୁରି କହିଛନ୍ତି, ବିଜେପି ରଙ୍ଗ ବୋଳା ସରକାର, ନାଁ ଚେଞ୍ଜ ସରକାର । ଗୋପବନ୍ଧୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାଧାରଣ ଜନତାଙ୍କ ବାଦ ପଡିବାକୁ ସେ ବିରୋଧ କରିଛନ୍ତି । ସ୍ୱାସ୍ଥ୍ୟ ସେବା କ୍ଷେତ୍ରରେ ବିଜେପି ରାଜନୀତି କରିବ ଉଚିତ ନୁହେଁ ବୋଲି ସେ କହିଛନ୍ତି । ବିଜେପିର ଅବସ୍ଥା କ’ଣ ହଉଛି ସେ ତାଙ୍କ ଅବସ୍ଥା ସମ୍ଭାଳନ୍ତୁ । ସେ ଆମ କଥା କ’ଣ କହୁଛନ୍ତି । ସେ ଆଗ ନିଜ ଘର ସମ୍ଭାଳିକି ରଖନ୍ତୁ । ନବୀନଙ୍କ ଜିଲ୍ଲା ଗସ୍ତ ନେଇ କାର୍ଯ୍ୟକ୍ରମ ପ୍ରସ୍ତୁତ କରାଯାଉଛି । ସଂଗଠନ ପାଇଁ କର୍ମୀ ମାନଙ୍କ ଠାରୁ ମତାମତ ନିଆଯାଉଛି ବୋଲି ସେ କହିଛନ୍ତି ।
ଏହି ବୟାନକୁ ନେଇ ଜବାବରେ ଜୟନାରାୟଣ ମିଶ୍ର କହିଛନ୍ତି ଅମିତ ଶାହଙ୍କ ଗୋଟିଏ ହ୍ଵିସିଲରେ ବିଜେଡ଼ି ଭାଙ୍ଗିଯିବ l
