() ଓଡ଼ିଶାରେ ବିଜୁ ଜନତା ଦଳ ପାଳନ କରୁଛି, କ୍ରମାଗତ ପଞ୍ଚମ କାର୍ଯ୍ୟକାଳର ତୃତୀୟ ବର୍ଷର ସମାପ୍ତି ଉତ୍ସବ। ରାଜନୀତିରେ ପ୍ରତିଯୋଗିତାମୂଳକ ସଫଳତାକୁ ପ୍ରତ୍ୟେକ ଦଳ ସଗର୍ବେ ସ୍ମୃତିଚାରଣ କରିଥାଏ । ଏହି କ୍ରମାନ୍ବୟ ଗୈାରବ ଉତ୍ସବ ମନାଇବାର ପାଇଁ ବିଜେଡି ପାଖରେ ଅଛି ଅନେକ ମାଇଲ ଖୁଣ୍ଟ । 1999 ମହାବାତ୍ୟା ବିଭୀଷିକାରେ ବିକୃତ ହୋଇଥିବା ଓଡ଼ିଶା ମାନଚିତ୍ରକୁ ମାତ୍ର ଗୋଟିଏ ବର୍ଷର ବ୍ୟବଧାନରେ ବିଶ୍ବ ଦରବାରରେ ନୂଆ ରୂପରେଖ ଦେଇଥିଲେ ନବୀନ ପଟ୍ଟନାୟକ । ବର୍ଷ 2000ର ସେଇ ନବୀନ ପଟ୍ଟନାୟକଙ୍କ ଭିତରେ ସାରା ଓଡ଼ିଶା ଦେଖିବାକୁ ପାଇଥିଲା ଜଣେ ଶାଣିତ ରାଜନେତା ଓ ପୋଖତ ଅର୍ଥନୀତିଜ୍ଞର ଝଲକ୍ ।
ସେତେବେଳେ ଓଡ଼ିଶା ରାଜନୀତିରେ ନୂଆ କରି ପାଦ ଥାପିଥିଲେ ନବୀନ ପଟ୍ଟନାୟକ । ହେଲେ ଦୃଢ଼ ରାଜନୈତିକ ଇଚ୍ଛାଶକ୍ତି ଓ ଦୂର ଦୃଷ୍ଟି ତାଙ୍କୁ ଅନେକଙ୍କ ମଧ୍ୟରେ ଏକକ ମାନ୍ୟତା ଦେଇଥିଲା । ପ୍ରଥମେ ଦଳଗତ ମେଣ୍ଟ ଆଧାରରେ ଓଡ଼ିଶାର ମଙ୍ଗୁଆଳ ସାଜିଥିଲେ ସେ । ହେଲେ ସେହି ମେଣ୍ଟ ତାଙ୍କୁ କଦାପି ନିର୍ଭରଶୀଳ କରି ନ ଥିଲା ବରଂ ସେ ନିଜକୁ ଆତ୍ମବଳରେ କରୁଥିଲେ ବଳୀୟାନ୍। ବିଦେଶରେ ଶିକ୍ଷା, ବିଶିଷ୍ଟ ଜ୍ଞାନୀ ମାନୀଙ୍କ ଗହଣରୁ ଆହରଣ କରିଥିବା ଦିଗଦର୍ଶୀ ଅନୁଭୂତି ତାଙ୍କୁ ଦେଇଥିଲା ଅପ୍ରତିଦ୍ବନ୍ଦ୍ବୀ ଡ୍ରାଇଭିଂ ଫୋର୍ସ ।
ନବୀନଙ୍କ ଦ୍ବାରା ପ୍ରଣୋଦିତ ଓ ପ୍ରଚଳିତ ଅନେକ ଗୁଡ଼ିରେ ରାଜ୍ୟସ୍ତରୀୟ ଲୋକାଭିମୁଖୀ ଯୋଜନା ଦେଶ ବିଦେଶ ପାଇଁ ବି ରାଜନୀତି ଓ ସଫଳ ଜନନୀତି ଦିଗରେ ଆଲୋକବର୍ତ୍ତିକା ଭାବେ ପ୍ରମାଣିତ ହୋଇଛି । ଦଳଗତ ରାଜନୀତି ହେଉ ଅବା ଅନ୍ତର୍ଦଳୀୟ ରାଜନୀତି, ନିଜ ଆଚାର, ବ୍ୟବହାର ଓ ସ୍ବଭାବକୁ ଶୃଙ୍ଖଳିତ ରଖିବାକୁ ସେ ସର୍ବଦା ଗୁରୁତ୍ବ ପ୍ରଦାନ କରିଥାନ୍ତି । ତେଣୁ ନବୀନ ତାଙ୍କ ଦଳୀୟ କର୍ମୀ ଓ ନେତାଙ୍କ ମଧ୍ୟରେ ସମ ପରିମାଣରେ ଶୃଙ୍ଖଳା ଆଶା କରନ୍ତି । ସୁଶାସନ ପାଇଁ ଗୁଡ୍ ଗଭର୍ନାନ୍ସ, ସରକାରୀ କାର୍ଯ୍ୟାଳୟରେ ଦୁର୍ନୀତି ନିବାରଣ ପାଇଁ 5ଟି ଛୋଟ ଓ ଗରିବ ଖଟଖିଆଙ୍କ ସାଧାରଣ ବଣ୍ଟନ ଯୋଜନାରେ ସ୍ବଚ୍ଛତା, ନବୀନ ସରକାରଙ୍କ ସଫଳ ରାଜନୈତିକ କ୍ୟାରିଅର୍ ର ଗୁରୁତ୍ବପୂର୍ଣ୍ଣ ଟର୍ଣ୍ଣିଂ ପଏଣ୍ଟ । ଗୁଡ୍ ଗଭର୍ଣ୍ଣାନ୍ସ ଓ 5ଟି ଆକ୍ସନ୍ ଖୋଦ୍ ନବୀନ ସରକାରଙ୍କ ପାଇଁ ଖାଣ୍ଡାଧାରରେ ଚାଲିବା ସଦୃଶ ହୋଇଥିଲେ ବି ନିଜ ନିଷ୍ପତ୍ତିରେ ଅଟଳ ଅଚଳ ରହିରେ ନବୀନ । ଦଳ ଭିତରୁ ଓ ବାହାରୁ ଆସୁଥିବା ବହୁ ଘାତ ପ୍ରତିଘାତ, ଆଲୋଚନା, ସମାଲୋଚନା ଓ କଟାକ୍ଷକୁ କେବେ ବି ଆତ୍ମସମର୍ପଣ କରିନାହାନ୍ତି । ଅତୀତର ରାଜନୈତିକ ଅନୁଭୂତି, ଆତ୍ମସଂଯମତା ଓ ନୀତିନିଷ୍ଠ ବ୍ୟକ୍ତିତ୍ବ ତାଙ୍କୁ ଜଣେ ନିଆରା ନେତାର ପରିଚୟ ଦେଇଛି । ରାଜ୍ୟ ଓ ଦେଶ ସୀମା ସରହଦକୁ ଡେଇ ବିଦେଶରେ ଓଡ଼ିଶାର ନାଁ ଟେକ ରଖିବାକୁ ଅନେକ ଦରିଆପାରି ରାଜନେତା ଓ ବହୁରାଷ୍ଟ୍ରୀୟ କମ୍ପାନିଙ୍କ ସହ ବୁଝାମଣା କରି ଓଡ଼ିଶାର ଶିକ୍ଷା ସମୃଦ୍ଧି ପାଇ ସେ ଶତଚେଷ୍ଟିତ ।
ବର୍ଷ 2019 ଥିଲା ତାଙ୍କ ପାଇଁ ରାଜନୈତିକ ଅଗ୍ନିପରୀକ୍ଷାର ସମୟ । ଓଡ଼ିଶାରେ ବିଜେପିଠାରୁ ସ୍ବତନ୍ତ୍ର ଏକ ପରିଚୟ ସୃଷ୍ଟି କରିବା ବେଳେ ବହୁ ରାଜନୈତିକ ସମୀକ୍ଷକ ଭାବିଥିଲେ ଯେ ରାଷ୍ଟ୍ରୀୟସ୍ତରରେ ତାଙ୍କର ଏନ୍ ଡିଏ ସହ ଗଣିତ ଭଣ୍ଡିର ହେବ ବୋଲି । ହେଲେ ଏହି ଆହ୍ବାନକୁ ସେ ସଫଳତାର ସହ ମାତି ଦେଇ ଏଯାବତ୍ ସଫଳତାର ସିଡ଼ି ଚଢ଼ିଚାଲିଛନ୍ତି । 2019 ସାଧାରଣ ନିର୍ବାଚନରେ, ସେ ନିଜକୁ ଜଣେ ସିଙ୍ଗଲ୍ ଡାଇଭିଂ Boss ସମଗ୍ର ଓଡ଼ିଶାବାସୀଙ୍କ ହୃଦୟରେ ରାଜୁତି କରିଥିଲେ । ରାଜ୍ୟରେ ଅନେକ ଗାଁ ଗଣ୍ଡାରେ ଗଡ଼ିଥିଲା ନବୀନ ବାବୁଙ୍କ ଭବ୍ୟ ପ୍ରଜାର ବସ୍ ।
ଯେଉଁଥିରେ ସେ କେବଳ ହାତଯୋଡ଼ି ବିନମ୍ର ନସସ୍କାର ଓ ହାତ ହଲାଇ ଲୋକଙ୍କ ଅଭିଭାବଦନ ଗ୍ରହଣ କରୁଥିଲେ । ନିର୍ବାଚନୀ ରାଲି ଓ ସଭାରେ ସେ କୋଚିତ୍ ଭାଷଣ ଦେଉଥିଲେ, ଆଉ ତାହା ବି ଥିଲା ଯୁଦ୍ରାତି କ୍ଷୁଦ୍ର ହେଲେ ବିରୋଧୀଙ୍ଠାରୁ 2019ରେ ବିଜେଡିର ବିଜୟ ବ୍ୟବଧାନ ଥିଲା ଏକ ଇତିହାସ । ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା (ବିଏସକେଇ) ମାଧ୍ୟମରେ ଅପହଞ୍ଚ ଓଡ଼ିଶାବାସୀଙ୍କ ସ୍ୱାସ୍ଥ୍ୟ ରକ୍ଷା ଦିଗରେ ଏକ ମାଇଲଖୁଣ୍ଟ । ସେହିପରି ଓଡ଼ିଶାକୁ ବିଶ୍ବ ଦରବାରରେ ଏକ ସ୍ପୋର୍ଟସ୍ ହବ୍ କରିବାର ମୂଳଦୁଆ ପଡ଼ିଥିଲା 2018 ପୁରୁଷ ହକି ବିଶ୍ୱକପ ଆୟୋଜନ ଜରିଆରେ । ବର୍ତ୍ତମାନ ଓଡ଼ିଶା ସରକାର 2023 ପୁରୁଷ FIH ବିଶ୍ୱକପ୍ ର ସଫଳ ଆୟୋଜନ କରି ଇତିହାସର ପୁନରାବୃତ୍ତି କରିବାକୁ ଲାଗିପଡ଼ିଛନ୍ତି ।
ତୃଣମୂଳ ଓ ଜାତୀୟ ରାଜନୀତି, ସ୍ବାସ୍ଥ୍ୟ, ଶିକ୍ଷା ଓ କ୍ରୀଡ଼ା କ୍ଷେତ୍ରରେ ରାଜ୍ୟ ଓ ବିଜେଡିର ପତିଆରା ଯେତେ ବଢ଼ିଚାଲିଛି ସେହି ଅନୁପାତରେ ରାଜ୍ୟରେ ପ୍ରମୁଖ ବିରୋଧୀ ଦଳ ବିଜେପି ଓ କଂଗ୍ରେସର ଭୂମିକା ସଙ୍କୀର୍ଣ୍ଣ ଓ ସଙ୍କୁଚିତ ହୋଇଛି । ଯାହାକୁ ନେଇ ପ୍ରତ୍ୟକ୍ଷରେ ଛାମୁଆ ବିରୋଧୀ ନେତାଏଁ ସ୍ବୀକାର କରନ୍ତି । ତେଣୁ ଓଡ଼ିଶା ରାଜନୀତିରେ ନବୀନ ପଟ୍ଟନାୟକ କେବଳ ଜଣେ ଏକ ରାଜନେତା ନୁହନ୍ତି ବରଂ ବହୁମୁଖୀ ପ୍ରତଭାସମ୍ପନ୍ନ ବ୍ୟକ୍ତିବିଶେଷ ଭାବେ ଜନପ୍ରିୟ ।
