ନୂଆଦିଲ୍ଲୀ, ୦୪ /୧୦/୨୦୨୨ – ଇଣ୍ଡିଆନ୍ ରେଲୱେ ପକ୍ଷରୁ ୫୦୦ ରୁ ଅଧିକ ଟ୍ରେନର ସମୟ ବଦଳାଇ ଦିଆଯାଇଛି । ରେଳ ମନ୍ତ୍ରଣାଳୟ ପକ୍ଷରୁ ସୋମବାର ଏ ବିଷୟରେ ସୂଚନା ଦିଆଯାଇଛି । ରେଲୱେର ନୂଆ ସମୟ ସୂଚୀରେ ପ୍ରାୟ ୫୦୦ ମେଲ ଏକ୍ସପ୍ରେସ ଟ୍ରେନର ଗତି ବୃଦ୍ଧି କରାଯାଇଛି । ରେଲୱେ ଅନୁଯାୟୀ ୬୫ ଯୋଡି ଟ୍ରେନକୁ ‘ସୁପରଫାଷ୍ଟ’ ବର୍ଗରେ ପରିଣତ କରାଯାଇଛି । ରେଲୱେର କହିବା ଅନୁସାରେ, ସମସ୍ତ ଟ୍ରେନର ହାରାହାରି ଗତି ପ୍ରାୟ ୫ ପ୍ରତିଶତ ବୃଦ୍ଧି ପାଇଛି, ଯାହା ଅତିରିକ୍ତ ଟ୍ରେନ୍ ଚଳାଚଳ ପାଇଁ ପ୍ରାୟ ୫ ପ୍ରତିଶତ ଅତିରିକ୍ତ ରୁଟ୍ ଯୋଗାଇଥାଏ ।
ଭାରତୀୟ ରେଳୱେ ପାଖାପାଖି ୩,୨୪୦ ମେଲ/ଏକ୍ସପ୍ରେସ୍ ଟ୍ରେନ ଚଳାଚଳ କରୁଛି । ଏଥିରେ ବନ୍ଦେ ଭାରତ ଏକ୍ସପ୍ରେସ, ଗାତିମାନ ଏକ୍ସପ୍ରେସ, ଶତାବ୍ଦି ଏକ୍ସପ୍ରେସ, ରାଜଧାନୀ ଏକ୍ସପ୍ରେସ, ଗରିବ ରଥ ଏକ୍ସପ୍ରେସ, ସମ୍ପର୍କ କ୍ରାନ୍ତି ଏକ୍ସପ୍ରେସ, ତେଜସ ଏକ୍ସପ୍ରେସ, ଦୁରନ୍ତୋ ଏକ୍ସପ୍ରେସ, ହମସଫର ଏକ୍ସପ୍ରେସ, ଜନଶତାବ୍ଦୀ ଏକ୍ସପ୍ରେସ, ଅନ୍ତୋଦୟ ଏକ୍ସପ୍ରେସ ଏବଂ ୟୁବା ଏକ୍ସପ୍ରେସ ପରି ଅନେକ ଏକ୍ସପ୍ରେସ ସାମିଲ ରହିଛି ।
