ଭୁବନେଶ୍ୱର: ଆନ୍ଧ୍ରପ୍ରଦେଶରେ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ଏକ ଟ୍ରକ୍ ଦ୍ୱାରା ନିଆଯାଉଥିବା ଏକ ବିମାନ ବ୍ରିଜ୍ ତଳେ ଅଟକି ଯାଇଥିଲା। ରବିବାର ସନ୍ଧ୍ୟାରେ ବାପଟଲା ଜିଲ୍ଲାରୁ ଏହି ଘଟଣାର ସୂଚନା ମିଳିଛି। ବିମାନଟି ବ୍ରିଜ ତଳେ ଅଟକି ରହିଥିବା ଦେଖିବା ପାଇଁ କୋରିସାପଡ ଅଣ୍ଡରପାସ୍ ନିକଟରେ ଏକ ଜନସମାଗମ ହୋଇଥିଲା। ବର୍ତ୍ତମାନ ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।
ଗଣମାଧ୍ୟମ ରିପୋର୍ଟ ଅନୁଯାୟୀ, ପିସ୍ତା ହାଉସର ମାଲିକ ଥିବା ସିଏଚ ଶିବ ଶଙ୍କରଙ୍କ ପାଇଁ ଏହି ବିମାନକୁ ନିଆଯାଉଥିଲା। ରେଷ୍ଟୁରାଣ୍ଟରେ ବ୍ୟବହାର କରିବାକୁ ସେ ବିମାନ କିଣିଥିଲେ। ଉଲ୍ଲେଖନୀୟ କଥା ହେଉଛି, ପିସ୍ତା ହାଉସର ମାଲିକ ହାଇଦ୍ରାବାଦର ବାସିନ୍ଦା।
ଶନିବାର ବିଳମ୍ବିତ ରାତିରେ ଏକ ଟ୍ରେଲର ସାହାଯ୍ୟରେ କୋଚିରୁ ହାଇଦ୍ରାବାଦକୁ ନିଆଯାଉଥିବା ବେଳେ ବିମାନଟି କୋରିସେପଡରେ ଅଟକି ଯାଇଥିଲା। ହାଇଦ୍ରାବାଦ ଅଭିମୁଖେ କୋରିସାପଡ ଅଣ୍ଡରପାସ୍ ରୁ ଯାନବାହନ ଚଳାଚଳ ବନ୍ଦ କରାଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ବିମାନଟିକୁ ଅଣ୍ଡରପାସରୁ ବାହାର କରିବାରେ ସାହାଯ୍ୟ କରିଥିଲା। କିଛି ଘଣ୍ଟା ପରେ ଉଭୟ ଟ୍ରକ ଡ୍ରାଇଭର ଏବଂ ଜେଟକୁ ସୁରକ୍ଷିତ ଭାବେ ଅଣ୍ଡରପାସ୍ ଭିତରୁ ଟାଣି ନିଆଯାଇଥିଲା।
