ଭୁବନେଶ୍ୱର: ଏମିତି ଘଟଣା କେବେ ଶୁଣିଥିବେ ନା କେବେ ଦେଖିଥିବେ । ମରାମତି ପାଇଁ ଆସିଥିବା ଏକ ଟ୍ରେନ ଇଞ୍ଜିନକୁ ଚୋରି କରି ବିକ୍ରି କରିଦେଲେ ଚୋର। ବିହାର ବେଗୁସରାଇ ଜିଲ୍ଲାର ବରୋନି ଗରହରା ୟାର୍ଡ଼ରେ ମରାମତି ପାଇଁ ଏକ ଡିଜେଲ ଇଞ୍ଜିନ ଅଣାଯାଇଥିଲା।ଇଞ୍ଜିନଟି ପାର୍କିଂ କରାଯାଇଥିଲା, ଚୋରମାନେ ଏହା ଦେଖି ଚୋରି କରିବା ପାଇଁ ଯୋଜନା ପ୍ରସ୍ତୁତ କରିଥିଲେ। ପ୍ରଥମେ ଏକ ଟନେଲ ଖୋଳାଯାଇଥିଲା, ଯାହା ମାଧ୍ୟମରେ ଚୋରମାନେ ୟାର୍ଡ଼ରେ ପହଞ୍ଚିବେ ଏବଂ ତା’ପରେ ଇଞ୍ଜିନର ଅଂଶଗୁଡ଼ିକୁ ନେଇଯିବେ । ଏହିପରି, ସେ ସ୍କ୍ରାପରେ ଇଞ୍ଜିନ ଚୋରି କରି ବିକ୍ରି କରିଥିଲେ।
ନିକଟରେ ମୁଜାଫରପୁରର ଏକ ସ୍କ୍ରାପ ଗୋଦାମ ଉପରେ ପୋଲିସ ଚଢ଼ାଉ କରି ୧୩ ଟି ବ୍ୟାଗ ଇଞ୍ଜିନ ଅଂଶ ଉଦ୍ଧାର କରିଥିଲା। ଗିରଫ ତିନି ଜଣଙ୍କୁ ପଚରାଉଚରା କରିବା ପରେ ମିଳିଥିବା ସୂଚନା ଆଧାରରେ ଅଧିକ ଚଢ଼ାଉ କରାଯାଇ ମାମଲା ରୁଜୁ କରିଛି।
